Home ताजा समाचार इहां उज्ज्वला योजना के 25 हजार हितग्राही होगे गायब !

इहां उज्ज्वला योजना के 25 हजार हितग्राही होगे गायब !

23
0

कोरबा । जिला म उज्ज्वला योजना के करीब 25 हजार हितग्राही मन गायब हो गेहे। जिला ल वर्ष 2017-18 म 86 हजार के लक्ष्य मिले रिहिस हे। जेखर विरुद्ध 65 हजार हितग्राही मन ल योजना के लाभ देय गिस। ये मा भी 25 हजार हितग्राही के पता नइए। लिहाजा, खाद्य विभाग पंचायत मन के माध्यम ले पता लगाए म जुटे हुए हे, कि आखिर ये हितग्राही मन कहां हे ?
गौरतलब है कि कलेक्टर म.। कैसर अब्दुल हक ह प्रधानमंत्री उज्जवला योजना के समीक्षा बइठक लीस हे। बइठक म कलेक्टर ह पात्र महिला हितग्राही मन ल योजना के लाभ दिए जाने के निर्देश दिए हे। एखर संग उमन ह ये संबंध म सब्बो दस्तावेज प्राप्त करत हुए दूरस्थ क्षेत्र म गोदाम निर्माण बर भूमि आवंटन के कार्रवाई करके भी निर्देश दिए हे। उहे ये संबंध म खाद्य सहायक अधिकारी एमके त्रिपाठी ह बताइस कि जिला म चालू वित्तीय बरस के दउरान 86 हजार 982 हितग्राही मन ल ये योजना के लाभ दिए जाना हे। एणा अब तक 65 हजार महिला हितग्राही मन ल ये योजना ले लाभान्वित करे गेहे।
उमन ह कहिन किआगामी 31 मार्च तक शेष लक्ष्य ल पूरा कर ले जाही। खाद्य सहायक अधिकारी ह बताइन कि पीछू के वित्तीय बरस म 35 हजार के लक्ष्य रिहिस हे। जेला शत प्रतिशत पूरा करे गिस हे। उहे ये वित्तीय बरस म 25 हजार हितग्राही मन के गायब होए के वजह खाद्य विभाग पलायन अउ मृत्यु होना बतातहे। अउ पंचायत मन के माध्यम ले हितग्राही मन के तलाश करे के बात कहे जात हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.