Home ताजा समाचार पीलिया के प्रकोप म दो अफसर मन उफर गिरीस निलंबन के गाज

पीलिया के प्रकोप म दो अफसर मन उफर गिरीस निलंबन के गाज

54
0

रायपुर । राजधानी म फइले पीलिया के प्रकोप ल लेके निगम कमिश्नर ह दू जिम्मेदार अफसर के खिलाफ निलंबन के कार्रवाई करे गेहे। ये कार्रवाई सेनेटरी इंस्पेक्टर अउ सब इंजीनियर के उपर करे गेहे। दूनों अफसर अपन इलाका ले गायब रहिन हे।
राजधानी के कांपा, गोपाल नगर, चंगोराभाठा, सदरबाजार व रामकुंड म दूषित पेयजल के कारण पीलिया फइले हुए हे। ये साल घलो पीलिया के मुख्य वजह गंदा पानी सप्लाई ल माने जात हे। कमिश्नर के भ्रमण के दउरान सेनेटरी इंस्पेक्टर यशवंत बेहरा अउ सब इंजीनियर गोविंद बंजारे अपन क्षेत्र ले गायब रहिन हे। जेखर बाद ये कार्रवाई करे गिस । निगम कमिश्नर ह बुधवार के पीलिया प्रभावित चंगोराभाठा, सदरबाजार, मोवा व रामकुंड के दउरा करके लोगन मन ले साफ पानी मिले के जानकारी लीन हे। तभ लोगन मन ह नल म दूषित पानी सप्लाई होय के शिकायत करिन हे। ये शिकायत के बाद बंसल ह अधिकारी मन के जमके क्लास लीन हे। एखर चलते दू अफसर मन उपर निलंबन के गाज गिरिस हे। बतादन कि कलेक्टर कमिश्नर ह हाल ही म पीलिया प्रभावित इलाका मन के दउरा कर सफाई व्यवस्था के जायजा लिस हे। उती लापरवाही सामने आए के बाद अधिकारी मन ल जमके फटकार लगाए रिहिन हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.