Home छॉलीवुड समाचार छत्तीसगढ़ी भाषा म बने फिल्म कान फिल्म फेस्टिवल म…

छत्तीसगढ़ी भाषा म बने फिल्म कान फिल्म फेस्टिवल म…

32
0

नेता प्रतिपक्ष टीएस सिंहदेव ह उत्साहवर्धन करे बर वेतन ले दिस एक लाख
रायपुर । छत्तीसगढ़ के कलाकार मन के जलवा कांस फिल्म फेस्टिवल म दिखाही। पर ओखर कलाकार मन उहां मउजूद नइ रह पाही।
प्रदेश के कलाकार मन के बनाए शॉर्ट फिल्म स्पलिटिंग शोल्डर्स कान फिल्म फेस्टिवल बर चयन करे गेह। ये फिल्म छत्तीसगढ़ी भाषा म बना गेहे। जेखर टाइटल अंग्रेजी म हवय। फिल्म के डायरेक्टर रूपेश कुमार अउ कलाकार छत्तीसगढ़ के हे। एखरे संग येखर निर्माण घलो छत्तीसगढ़ म होए हे। फरवरी माह म ये फिल्म ल सेलेक्शन बर भेजे गेरिहिस हे। जेखर हाल ही म कांस ले फिल्म के चयन के सूचना आइस हे। ।
मूवी फोटोग्राफर अविनाश बावनकर ह बताइन कि मूवी के शूटिंग छत्तीसगढ़ के गरियाबंद इलाका म जतमई-घटारानी के जंगल मन होइस हे। फिल्म के डायरेक्टर रूपेश कुमार प्रसाद ह कहिन कि फिल्म म छत्तीसगढ़ के आदिवासी संस्कृति के झलक दिखाए गेहे। एखर अलावा फिल्म ले लोगन मन ल एक सकारात्मक संदेश देय के घलो कोशिश करे गेहे।
शार्ट मूवी स्पलिटिंग शोल्डर्स के कांस म चयन होय ले कलाकार मन बेहद खुश हे, लेकिन उमन ल ये बात के दुख हे कि पइसा के कमी के सेती कांस फिल्म फेस्टिव म सिरकत नइ कर पाएन। अउ फिल्म के प्रदर्सन के समय उहां मउजूद नइ रहन। अइसन मउका बार- बार नइ मिलय। हालांकि नेता प्रतिपक्ष टीएस सिंहदेव ह फिल्म के डायरेक्टर अउ कलाकार मन के मेहनत ल समझत हुए टीम के उत्साहवर्धन बर विधायक के रूप म मले अपन वेतन ले एक लाख रुपिया सहयोग के तौर म दीस हे। सरकार हमेशा कलाकार मन के संग खड़ा होय के दावा करथे। एखर सेती ये कलाकार मन ल कांस भेजे के जुम्मेदारी अगर सरकार उठाए इमन ल एक बड़े मंच म खुद ल प्रोजेक्ट करे के मउका मिलही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.