Home ताजा समाचार शासन के योजनामन के लाभ सबो ल मिलही : डॉ. रमन

शासन के योजनामन के लाभ सबो ल मिलही : डॉ. रमन

83
0

राजनांदगांव। मुख्यमंत्री डॉ. रमन सिंह जनसंपर्क कार्यक्रम म शनिवार के ग्राम इंदामरा पहुंचिस। उमन ह ये अवसर म कहिन कि सरकार के मंशा अउ कोसिस हे कि सासन के सबो योजना मन के लाभ छत्तीसगढ़ के हर एक मनखे ल मिलय। ये मुका म आदिवासी समाज के मंगल भवन बर 5 लाख रुपिया देय के घोषणा करिन । गांव म सिंचाई बर एनिकट बनाए बर जल संसाधन विभाग ल निर्देश दिस।
उमन कहिन कि अगर एनिकट के जरूरत हे तो रिपोर्ट बनाके देव, एनिकट घलो तैयार हो जाही। सीएम ह कहिन कि पइसा के कोनो कमी नइ हे। विकास कार्य मन म कभु पइसा के रुकावट नइ आही । एखर अलावा मुख्यमंत्री ह मंच ले गांव के बुजुर्ग मन के सम्मान करिन। ग्रामीण मन के मांग म इंदामरा म 20 किलोमीटर के रोड बर 20 करोड 60 लाख रुपिया के सहमति दीस। भानपुरी ले इंदामरा मारग बर 1 करोड 24 लाख रुपिया, प्राथमिक स्कूल के आहाता बर 5 लाख रुपिया। नल जल योजना अउ गांव के तीन वार्ड मन म सीसी रोड बर 15 लाख रुपए दिस ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.