Home ताजा समाचार चीतल के पीछु दउड़त दू ग्रामीण ल पकड़ीस वन विभाग की टीम...

चीतल के पीछु दउड़त दू ग्रामीण ल पकड़ीस वन विभाग की टीम ह

123
0

अंबिकापुर। तीर-धनुष लेकर शिकार के नीयत म चीतल के पीछु दउड़त चार झन गांव वाले मन म दू झन ल वन विभाग के टीम ह पकड़ीस जबकि दू झन मउका के फायदा उठाके भागिन। मामला बलरामपुर जिला के राजपुर वन परिक्षेत्र के गोपालपुर जंगल के हे। पकड़े गे दूनों ग्रामीण मन ले धनुष के अलावा बड़ी संख्या म तीर अउ माचिस जब्त करे गिस। । फरार दू ग्रामीण मन के खोजबीन करे जात हे। अधिकारी अनिल सिंह के आगुवत म वन अधिकारी, कर्मचारी गोपालपुर जंगल के रिजर्व फारेस्ट कंपार्टमेंट नंबर 2794 ल घूमत पहिन हे। इही दउरान उमन ल जंगल म मनखे मन के चले अउ दउड़े के आवाज सुनाई दीस। जब उमन नजदीक जाके देखथिस तो पता चलिस कि चार लोगन मन एक चीतल ल दउड़ावत हे।
आरोपी मन के मंशा चीतल के शिकार करे के रिहिस हे। टीम ल देखके दू ग्रामीण तो जंगल के फायदा उठाके भाग निकले म सफल होगे, जबकि दू ग्रामीण ल घेराबंदी कर के वन अमला ह गिरफ्तार कर लिस। गिरफ्तार आरोपी म गांव अतौरी निवासी शिवधारी चेरवा व जिल्का चेरवा सामिल हे। । पूछताछ म पता चलिस कि ये सबो चीतल के शिकार करे के मंशा ले गोपालपुर के रिजर्व फारेस्ट जंगल म घुसे रहिन हे । बताए गिस हे कि चीतल ल लगातार दउड़ाथे जब वोह थक जातथे तो शिकारी ह ओखर शिकार कर लेथे। मामल म वन विभाग ह वन्य प्राणी संरक्षण अधिनियम के तहत कार्रवाई सुरू कर दीस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.