Home ताजा समाचार छत्तीसगढ़ के खिलाड़ी मन जीतीस 5 सोना, 10 कांस्य पदक

छत्तीसगढ़ के खिलाड़ी मन जीतीस 5 सोना, 10 कांस्य पदक

17
0

रायपुर। चउथा ओपन इंटरनेशनल कराते चैंपियनसिप म छत्तीसगढ़ के खिलाड़ी मन ह सानदार प्रदरसन करिन । कोलकाता के नेताजी सुभाष स्टेडियम म होय प्रतियोगिता म भारत के नेतृत्व करत हुए छत्तीसगढ़ के खिलाड़ी मन ह 5 गोल्ड मइडल अउ 10 कांस्य पदक जिते म सफलता हासिल करिन हे। रायपुर के आदित्य राठौर ह फाइट इवेंट म 2 गोल्ड मइडल जीतीस हे। अइसने धैर्य पटेल, हर्षि विश्वकर्मा अउ पूजा देवांगन ह गोल्ड मइडल म कब्ज़ा जमाइन । ऋतू भोई, देव चौधरी, नमिता देवांगन, दुर्गेश नंदिनी मन ह ब्रांज मइडल जीतीन। इंटरनेशनल टूरनामेंट म सानदार प्रदरसन कर लउटे खिलाड़ी मन अउ कोच हर्षा साहू के जोरदार स्वागत रायपुर रेलवे स्टेसन म करे गिस।
छत्तीसगढ़ कराते एसोसिएसन के अध्यक्ष विजय साहू ह सबो विजयी खिलाड़ी मन ल बधाई अउ सुभकामना दीस हे। उमन ह कहिन के इंटरनेशनल प्रतियोगिता म भारत के प्रतिनिधित्व करत हुये छत्तीसगढ़ के खिलाड़ी मन ह गोल्ड मइडल जीतीस, ये प्रदेस बर ए गौरव के बात हे। बता दन के ये प्रतियोगिता 28 अउ 29 जुलाई के आयोजित करेगे रहिस हे, जेमा भूटान, बांग्लादेश, श्रीलंका समेत आठ देश मन के खिलाड़ी मन ह भाग लिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.