Home ताजा समाचार कांकेर जिला म पैडी ट्रासप्लांटर ले धान के रोपाई

कांकेर जिला म पैडी ट्रासप्लांटर ले धान के रोपाई

6
0

कांकेर । जिला के किसान मन ह जादा धान उत्पादन करे बर नवा तकनीक के इस्तेमाल करत हे। जिला के किसान इन दिन मन पैडी ट्रासप्लांटर ले धान के रोपाई करत हे।
सहायक कृषि अभियंता एचएल देवांगन ने बताइस के पैडी ट्रासप्लांटर मशीन ले धान रोपाई के विधि बहुत ही आसान हे। एक दिन म लगभग 2 ले 3 एकड़ रोपाई के कारय करे जा सकत हे, अउ कतार ले रोपाई होय म फसल उत्पादन म बढ़ोतरी होथे। उत्पादन लागत म घलो कमी आथे । विभाग ह पैडी ट्रासप्लांटर मशीन ले धान रोपाई करे बर किसान मन ल प्रति एकड़ 3000.00 रुपए अनुदान देय जात हे।
जिला के गांव इ्र्रच्छापुर, गढ़ पिछवाड़ी, तेलगरा के कृषक खेत म पहिली बार धान रोपाई बर पैडी ट्रांसप्लांटर के उपयोग कृषि अभियांत्रिकी कांकेर के मारगदरसन म करत हे। कृषक चमरू राम सलाम, गढ़ पिछवाड़ी ह बताइस के ये बार वह अपन 5 एकड़ खेत म पैडी ट्रांसप्लांटर मशीन ले धान रोपाई बर नरसरी तियार करिस हे।
नरसरी तियार करे के विधि बहुत ही सरल हे, मेट टाइप नरसरी तियार करना होथे। पॉलिथिन के ऊपर फ्रेम के सहायता ले गिल्ली मिट्टी डालके बराबर मात्रा म अंकुरित धान ल छिड़के जाथे, प्रति एकड़ लगभग 7 ले 8 किलोग्राम धान के बीज के आवस्यकता होथे । नरसरी 15 ले 18 दिन म मशीन ले रोपाई बर तियार हो जाथे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.