Home ताजा समाचार कार पेड़ ले जा टकराइस ….दू लइका के मउत … ..संगे-संग...

कार पेड़ ले जा टकराइस ….दू लइका के मउत … ..संगे-संग पढ़व दूसर खबर

66
0

सूरजपुर। छत्तीसगढ़ के सूरजपुर म अपन रिश्तेदार के सादी म गुरुवार के पूरा परिवार ह खुशियां मनाइस हे । शुक्रवार बिहनियाह परिवार के लोगन मन एक संघरा कार ले वापस आवत रहिन हे कि अचानक अंबिकापुर -दतिमा मार्ग म राई जंगल के तीर कार पेड़ ले जा टकराइसक्कराईं , जेखर ले खुशी ह पल भर म मातम म बदल गे, जिहां एक परिवार के दू लइका के मउत हो गे। घटना शुक्रवार के बिहनिया 4 बजे के बताए जात हे। घटना कार चालक के अचानक झपकी आए के वजह ले होइस हे। हादसा म कार 15 फीट दूर पेड़ ले जा टकराइस। उहे चार अन्य गंभीर रूप ले घायल हे।

प्रदेस म अवइया दिन म बिजली संकट हो सकत हे….
कोरबा अऊ चांपा के बीच ब्रिज मेंटनेंस ले प्रभावित ट्रेन के कारण अवइया दिन म बिजली संकट हो सकत हे। आप मन ल बता दन कि रेलवे प्रबंधन ह 31 मई तक यात्री अऊ गुड्स ट्रेन के परिचालन म कमी लाए के आदेश दे हे, जेकर असर कोयला परिवहन उपर घलो दिखत हे। समान्य दिन म कोरबा ले 42 ले 45 रैक दूसर राज्य के पॉवर प्लांट म कोयला भेजे जाथे, जे ह अब कम होके 35 ले 36 रैक हो गए हे। रेलवे के माने त छत्तीसगढ़ समेत मध्यप्रदेश, महाराष्ट्र, गुजरात, राजस्थान म बिजली के मांग बढ़े हे। अइसे म प्रदेस के सरकारी अऊ निजी पावर प्लांट म खाली 4 ले 5 दिन के कोयला ही बचे हे। कोल डिस्पैंच धिरे होए के सीधा असर बिजली उत्पादन उपर पड़ना तय माने जात हे।

पामगढ़ एसडीएम लकड़ा उपर दुर्व्यवहार करे के आरोप
जांजगीर के पामगढ़ एसडीएम अजय लकड़ा उपर दुर्व्यवहार करे के मामला आगु आए हे। आप मन ल बता दन कि जिला पंचायत सदस्य अऊ सभापति इंदु बंजारे ह एकर सिकायत कलेक्टर ले करे हे। उहें सिकायत म SDM ल 5 दिन के भितर हटाए अऊ ओकर उपर कार्रवाई के मांग करे हे। कार्रवाई नइ होए उपर जिला पंचायत सदस्य ह अनसन करे के चेतावनी दे हे।

बिपक्षी पार्सद मन जिला प्रसासन ले बजट रद्द करे के मांग
धमतरी नगर निगम म हंगामा के बीच महापौर ह बजट पेस करिस। जेला लेके बिपक्षी पार्सद मन जिला प्रसासन ल बजट रद्द करे के मांग करे हें, संग ही बजट ल लेके सदन म चर्चा करत हे। जेकर ले ओमन अपन वार्ड के मूलभूत समस्या ल सदन म रख सकही अऊ एकर उपर चर्चा हो सकही। आप मन ल बता दन कि 11 अप्रैल के महापौर के बजट पेस करे के दउरान बिपक्षी पार्सद मन जमके हंगामा करे रिहिन, अऊ बजट उपर चर्चा ल लेके बिपक्षी पार्सद मन सदन ले वाक आउट करके बजट के कॉपी घलो फाड़ दे रिहिन। उहें जिला प्रसासन ह बजट ल लेके जांच के बाद सासन ल रिपोर्ट सउपे के बात कहे हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.