Home सियासत माया-जोगी के गठबंधन…कांग्रेस बर बड़ झटका….भाजपा ल फायदा

माया-जोगी के गठबंधन…कांग्रेस बर बड़ झटका….भाजपा ल फायदा

12
0
गठबंधन
येखर सीधा लाभ बीजेपी ल मिलही

रायपुर। कांग्रेस पार्टी ले किनारा करत हुये बसपा सुप्रीमो मायावती ह छत्तीसगढ़ विधानसभा चुनाव बर अजीत जोगी के जनता कांग्रेस छत्तीसगढ़ के संग गठबंधन करिस हे। ये ऐलान के बाद राजनीतिक गलियारा मन म चरचा मन के दउर गरम हे।उहें गठबंधन के राजनीतिक नफे व नुकसान के आंकलन लगाना सुरू होगे हे।
माया-जोगी के गठबंधन ल कांग्रेस बर बड़ झटका येखर सेती घलो माना जात हे कि काबर के कांग्रेस के बसपा के साथ मिलके चुनाई लड़े के चरचा मन होवत रहिस हे। साल 2013 के विधानसभा चुनाइ म कांग्रेस ल बीजेपी के कुल वोट मन ले करीब 0.97 प्रतिशत वोट मन ले हार मिले रहिस हे। जबकि इही चुनाव म बसपा ल करीब 5 प्रतिशत वोट मिले रहिस हे। ये गठबंधन के ऐलान के तुरंत बाद ही अलग-अलग राजनीतिक दल मन के प्रतिक्रिया मन आना सुरू होगे। छत्तीसगढ़ सरकार म मंत्री महेश गागड़ा ह कहिन के मायावती व जोगी के पार्टी के गठबंधन ले कांग्रेस ल बड़ झटका लगिस हे। येखर सीधा लाभ बीजेपी ल मिलही। काबर के वोट मन के ध्रुवीकरन होही। येखर अलावा दूनों पार्टी मन कहीं न कहीं कांग्रेस ले जुड़े रिहिस हे। अइसे म इखर गठबंधन ले कांग्रेस ल नुकसान अउ बीजेपी ल फायदा होही।
छत्तीसगढ़ बीजेपी के प्रदेस अध्यक्छ धरमलाल कौशिक ह घलो गठबंधन म अपन बयान दिस हे। कौशिक ह कांग्रेस अउ बसपा के गठबंधन के अटकल मन म तंज कसत हुए कहिन के डूबती नैया म कोनो सवार नइ होवय। ये बार घलो प्रदेस म बीजेपी के सरकार बनही। येती ये गठबंधन म प्रदेश कांग्रेस अध्यक्छ भूपेश बघेल के कहिना हे के येखर ले कांग्रेस ल कोनो फरक नइ पड़य। बघेल ह कहिन के येखर ले पहिली चुनाव म अजीत जोगी अउ बीएसपी बीजेपी ल फायदा पहुंचाय बर सहयोगी के तउर म काम करत रहिस हे। अब खुलके दूनों पार्टी ये काम करही। भूपेश ह कहिन के कांग्रेस ले गठबंधन बर पहिली बसपा के ओर ले पहल होय रहिस हे, लेकिन जइसे ही बसपा नेता मन उपर ईडी अउ सीबीआई के शिकंजा कसीस। बीएसपी तुरंत पलटी मारकर चले गिस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.