Home सियासत ये परचा ले कांग्रेस भवन म मचिस बवाल…..कांग्रेस के अंदरूनी कलह...

ये परचा ले कांग्रेस भवन म मचिस बवाल…..कांग्रेस के अंदरूनी कलह आघू आइस

23
0
अंदरूनी कलह
सोसल मीडिया म वायरल होय परचा ले सबो के नींद उड़ा दीस हे

रायपुर। कांग्रेस भवन म आज फेंकेगे एक परचा ले बवाल मचा दिस हे। इही बीच म सोसल मीडिया म वायरल होय परचा ले सबो के नींद उड़ा दीस हे। सोसल मीडिया म ये परचा खूब वायरल होवत हे। ये परचा ल लेके लोगन मन खूब चटकारा लेवत हे। जेमा कांग्रेस प्रदेस अध्यक्छ ले लेके जिला अध्यकक्छ अउ तमाम लोगन के बारे म आपत्तिजनक बात करे गेहे।
ये परचा के उपर म इन नेतामन ल भूपेश के लाल, भाजपा के दलाल बताके संबोधित करे गेहे अउ उंखर चंदा वसूली ले लेके सबो बात मन ल लिखे गेहे। ये परचा म ये घलो लिखे गेहे कि भूपेश मुख्यमंत्री बने के सपना देखत हे अउ कांग्रेस ल बरबाद करत हे। परचा म दावा करे गेहे के पइसा के बदला म पद बेचत हवय। ये परचा कोन बांटिस ये जांच के बिसय हे लेकिन ये परचा मन ले कांग्रेस के अंदरूनी कलह आघू आ गिस हे। अब येला कांग्रेसी नेता मन बीजेपी के करतूत बतावत हे। ये परचा म 16 नेतामन के नाम हे, जेखर पद के संग गंभीर टिप्पणी मन लिखे गेहे हे।
वैइसे ये परचा कोन बंटवाय हो, काबर बंटवाये हे, येखर बारे म जानकारी नइ मिलिस हे, लेकिन कहे ये जात हे के कारयकारिनी म तवज्जो नइ मिले ले नाराज कुछु कांग्रेस के लोगन मन ही ये परचा बंटवाय हे। फिलहाल चुनाइ के पहिली ये कांग्रेस बर अच्छा नइए।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.