Home ताजा समाचार घड़ी चउक लेके फाफाडीह तक लंबा जाम … वजह जानिए

घड़ी चउक लेके फाफाडीह तक लंबा जाम … वजह जानिए

38
0
लंबा जाम
लोगन मन ल परेसानी के सामना करना पड़िस

रायपुर। प्रदेसभर के संजीवनी 108 अउ 102 एम्बुलेंस कर्मचारी संगठन अपन 6 सूत्रीय मांग ल पूरा करे के मांग करत हे। इहीं बीच आज जीवीके कंपनी के घेराव करे बर निकले रहिस हे के पुलिस ह एम्बुलेंस कर्मचारी संगठन के कर्मचारी मन ल गेरफ्तार कर लिस हे। ये दउरान अंबेडकर अस्पताल के आघू सड़क जाम हो गिस। येखर अलावा घड़ी चउक लेके फाफाडीह चउक तक लंबा जाम लग गिस, जेखर ले लोगन मन ल परेसानी के सामना करना पड़िस।

मिले जानकारी म एम्बुलेंस संगठन के कर्मचारी एम्बुलेंस संचालन कंपनी जीवीके के खेलाफ विरोध प्रदर्शन करे बर निकलिस। अपन मांग मन ल पूरा करवाय के कोसिस करत रहिन हे। सड़क पर उतर के कंपनी के खेलाफ नारेबाजी करत हुए हाय-हाय के नारा लगावत रहिस हे, जेखर बाद पुलिस ह कंपनी के घेराव करे के पहिलि ही सबो कर्मचारी मन ले डेण्टल कॉलेज के पास ले बड़ पइमाना म गेरफ्तारी कर उमन जेल परिसर ले गिस।
बता दन के एम्बुलेंस कर्मचारी स्थायीकरन, समयमान वेतनमान, सहित 6 सूत्रीय मांग ल लेके पहिली घलो हड़ताल कर चुके हे। अब विधानसभा चुनाव नजदीक आवत हे त येखर विरोध प्रदर्शन अउ तेज होगे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.