Home ताजा समाचार 4 लइका मन ल अधीक्छक के लापरवाही के चलत उठाइस भारी परेसानी..

4 लइका मन ल अधीक्छक के लापरवाही के चलत उठाइस भारी परेसानी..

13
0
लापरवाही
मीडिया के पहल के बाद लइका मन ल उंखर घर तक सुरक्छित पहुंचाइस।

कोरिया। कोरिया जिला के मनेन्द्रगढ़ विकासखंड म संचालित एक आश्रम के 4 लइका मन ल भारी परेसानी उठानी पड़िस। मीडिया के पहल के बाद लइका मन ल उंखर घर तक सुरक्छित पहुंचाइस।
असल म विकासखंड के ताराबहरा म संचालित आश्रम के अधीक्छक ह छात्र मन के परीक्छा खत्म होय के बाद सोनहत विकासखंड के रामगढ़ के रहइया 4 लइका ल बिना अभिभावक मन के उंखर घर बर रवाना कर दिस। ये दउरान एक लइका ल बुखार घलो रहिस हे अउ ओखर पास पर्याप्त पइसा घलो नइ रहिस हे। लइका ह कोनो तरह ले सोनहत तक पहुंचगे, लेकिन पइसा न होय के कारन ओखर पास अपन घर तक पहुंचे के कोनो बेवस्था नइ रहिस हे।
लइका केपरेशानी देखके सोनहत के एक गणेश पूजा पंडाल म मवजूद कुछु लोगन नम लइका मन ले पूछताछ करिन, तब लइका म उमन ल अपन समस्या ल बताइस। येखर बाद पंडाल म मवजूद लोगन मन ह उमन ल पहिली भोजन करवाइस। येखर बाद उंखर प्राथमिक उपचार करावाइस। ये बात के जानकारी मीडिया म आय के बाद जिला प्रसासन घलो हरकत म आगे अउ छात्रावास के चपरासी ल मउवका म भेजके लइका मन ल घर पहुंचाय बर कहिस। बहरहाल समय रहत ही ये बात के संज्ञान अधिकारी मन ह लिस हे नइ त लइका मन के आघू अउ कतको बड़ समस्या आ सकत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.