Home ताजा समाचार परेसान छत्तीसगढ़ ल आर्थिक आजादी दीस प्रधानमंत्री मोदी ह :रमन

परेसान छत्तीसगढ़ ल आर्थिक आजादी दीस प्रधानमंत्री मोदी ह :रमन

49
0
डॉ. रमन सिंह
पीएम मोदी के नेतृत्व म सड़क मन के जाल बिछाय गेहे

जांजगीर। प्रधानमंत्री नरेंद्र मोदी ह शनिवार के छत्तीसगढ़ राज्य के जांजगीर म अनेक विकास कार्य मन के भूमिपूजन करिस। ये अवसर म मुख्यमंत्री डॉ. रमन सिंह ह कहिन के परेसान छत्तीसगढ़ ल आर्थिक आजादी प्रधानमंत्री मोदी ह दीस। अउ आर्थिक अनुदान ल 42 प्रतिशत कराइस।
पीएम मोदी के नेतृत्व म सड़क मन के जाल बिछाय गेहे। येखर पहिली ओडिशा ले जांजगीर पहुंचे पीएम नरेन्द्र मोदी के छत्तीसगढ़ के मुख्यमंत्री डॉ. रमन सिंह, केन्द्रीय मंत्री नितिन गडकरी सहित अन्य मंत्री व भाजपा के आला नेतामन ह स्वागत करिन। पीएम मोदी ह जांजगीर म 1,607 करोड़ के बिलासपुर-पथरापाली फोर लेन सड़क अउ 1,697 करोड़ 79 लाख के बिलासपुर-अनूपपुर तीसरी रेल लाइन परियोजना के शिलान्यास करिन।
बिलासपुर-पथरापाली सड़क परियोजना के निरमान केन्द्रीय सड़क परिवहन अउ राजमार्ग मंत्रालय के अंतरगत भारतीय राष्ट्रीय राजमार्ग प्राधिकरन ह करही। उहें दक्षिण पूर्व मध्य रेलवे के बिलासपुर-अनूपपुर खण्ड की तीसरी लाइन के निरमान ले छत्तीसगढ़ के बिलासपुर ले मध्यप्रदेश के जिला मुख्यालय अनूपपुर तक रेल यातायात काफी आसान हो जाही। येखर निरमान म एक हजार 696 करोड़ 79 लाख के लागत आही। ये नवा रेलमार्ग के लम्बाई 152 किलोमीटर होही। येमा 119.55 किलोमीटर के हिस्सा छत्तीसगढ़ म अउ करीब 32.45 किलोमीटर के हिस्सा मध्यप्रदेश म होही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.