Home ताजा समाचार पद्मश्री भारती बंधु के 25 बछर पुराना मकान टूटिस … वजह जानें

पद्मश्री भारती बंधु के 25 बछर पुराना मकान टूटिस … वजह जानें

30
0
कार्रवाई
सामुदायिक भवन के रास्ता बर तोड़ दिस हे।

रायपुर। सूफी गायक पद्मश्री भारती बंधु के 25 बछर जूना मकान ल नगर निगम ह बिना कोनो पूरव सूचना के तोड़ दिस हे। निगम ह ये कार्रवाई सामुदायिक भवन बर रास्ता अउ मारवाड़ी श्मशान घाट बर तोड़ दिस हे। उहें भारती बंधु के कहिना हे के शासन के योजनामन के सम्मान करत हव, येखर सेती उमन ह कोनो विरोध नइ करिस हे। उमन उम्मीद जताइस के जल्द बेवस्थापन हो जाही।
येती निगम के ये कार्रवाई उपर सवाल खड़ा होवत हे के काबर नगर निगम ह बिना कोनो पूरव सूचना देय रविवार के दुपहर उंखर मकान तोड़ दिस हे। उहें पद्मश्री भारती बंधु ह कहिन के उमन ल ये बात के आस्वासन देय गेय रहिस हे कि कि बेवस्थापन के व्यवस्था होय के बाद ही उमन के मकान ल गिराय जाही। लेकिन न त बेवस्थापन के बेवस्था करे गिस अउ न ही मकान गिराय के पूरव कोनो सूचना दे गेहे। हालांकि उमन शासन उपर विश्वास जतात हुए कहिन के निगम ह ये कार्रवाई जरुर विकास बर करे होही। उमन के कहिना हे के उमन ह शासन के योजनामन के सम्मान करथव येखर सेती कोनो विरोध नइ करएव। उमन ल उम्मीद हे के जल्द बेवस्थापन हो जाही। बतादन के भारती बंधु ह कबीर को रचना मन ल भजन के रुप म ढाल दिस अउ इहीं भजन ल गा के देस-विदेस म ख्याति पाइस हे अउ पद्मश्री ले घलो उमन ल सम्मानित करे गेहे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.