रमन के वार
उंखर नाम लेके सीडी दिखाके बदनाम करे जात हे।

रायपुर। मुख्यमंत्री रमन सिंह ह कांग्रेस अउ प्रदेस अध्यक्छ भूपेश बघेल उपर निशाना साधिस। उमन कहिन के एक कोती कांग्रेस ल सीबीआई के जांच उपर भरोसा नइए उहें दूसर कोती वे लाठीचार्ज मामला म सीबीआई जांच के घलो मांग करत हे।
छत्तीसगढ़ के मंत्री राजेश मूणत के कथित अश्लील सीडीकांड म सीबीआई ह कोरट म चालान पेश करे के बाद प्रदेस म राजनीतिक सरगरमी बढ़ गेहे।
मुख्यमंत्री ह येला राजनीति के सबले निंदनीय घटना बतात हुये कहिन के छत्तीसगढ़ महतारी अउ महिला मन के अपमान होइस हे । ये घटना राजनीति म गिरावट के पराकाष्ठा हे। राजेश मूणत ल बदनाम करे के साजिश हे। उमन कहिन के एक कोती खुद सीबीआई जांच के मांग करना अउ दूसर कोती सीबीआई के राजनीतिक दुरुपयोग के आरोप लगाना, ये का हे? जे तथ्य होही आघू आही। येमा सरकार के कोनो लेना देना नइए।

राजनीतिक बदला लेन के कोसिस
येती पीसीसी अध्यक्ष भूपेश बघेल ह अपना पुराना राग आलापच हुए कहिन के बिलासपुर म 18 सितम्बर के कांग्रेस उपर पुलिस हमला के विरोध म पीएम नरेंद्र मोदी के आगमन म काला झंडा दिखाय गिस। जेला पीएम नरेंद्र मोदी बरदाश्त नइ कर सकिस। रविवार के मोला समन भेजे गिस । तब मैं ह जंगल सत्याग्रह बर बस्तर जात रहे हव। मोला कांकेर ले वापिस लौउटना पड़िस। बघेल ह कहिन के ये राजनीतिक बदला लेय के कोसिस हे। राज्य सरकार ल लोकतंत्र उपर भरोसा नइए । सीबीआई इशारा म काम करत हव।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.