Home ताजा समाचार तेज रफ्तार ट्रक ह कार ल मारिस टक्कर …. सिंचाई बेभाग के...

तेज रफ्तार ट्रक ह कार ल मारिस टक्कर …. सिंचाई बेभाग के एसडीओ अउ उंखर पत्नी के मौत

68
0
सड़क हादसा
हादसा अतना जबरदस्त रहिस हे के कार के परखच्चे उड़ गिस

रायपुर। बिलासपुर-रायपुर नेशनल हाइवे म सोमवार संझा एक दर्दनाक सड़क हादसा के घटना आघू आइस हे। हादसा म बिलासपुर सिंचाई विभाग म पदस्थ एसडीओ अउ उंखर पत्नी के मउत होगिस, उहें चालक घलो घायल हो गिस हे। हादसा अतना जबरदस्त रहिस हे के कार के परखच्चे उड़ गिस। सूचना मिले ले मउवका म पहुंचिस पुलिस मर्ग कायम कर शव पीएम बर भेज के कार्रवाई करिस। मिले जानकारी म एसडीओ विजय साहू अपन पत्नी कुसूम के संग निजी कार्य ले रायपुर आए रहिस हे । काम खत्म करके संझा लगभग 5.30 बजे दूनों अपन कार ले बिलासपुर लउटत रहिस हे। इहीं दउरान सिमगा के तीर आघू ले आवत एक तेज रफ्तार ट्रक ह उंखर कार ल टक्कर मार दीस। हादसा के बाद ट्रक ड्राइवर वाहन छोड़ मउवका ले फरार हो गिस, जेला बाद म गेरफ्तार करले गिस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.