Home ताजा समाचार अभु 15 साल म सिरिफ कांग्रेस के गड्ढा ल भरे हन :...

अभु 15 साल म सिरिफ कांग्रेस के गड्ढा ल भरे हन : डॉ रमन

12
0
विकास यात्रा
कांग्रेसी मन सिरिफ नारा लगाय बर जानथे

कवर्धा। विकास यात्रा के द्वितीय चरन म आज मुख्यमंत्री डॉ. रमन सिंह पंडरिया विधानसभा क्षेत्र के ग्राम कुई-कुकदुर म विसाल आमसभा ल सम्बोधित करत हुए कहिन के आज अटल विकास यात्रा म अतका स्वागत करेव हव के गला बईठ गेहे। 6000 किलोमीटर के यात्रा म जताना उत्साह इहां के जनता म हे वो मैं कभु नइ देखिस । आप मन के बीच म 2006 के बाद आज 2018 म इहां आय हव। ये 12 बछर म विकास ल आप मन देख सकत हव। तुंहर विधायक काम गिनात रहीस त मोला लागिस अभु एकाध घन्टा त काम गिनात रह जाहि । मैं कल्पना नइ कर सकत रहे हव के जिला मुख्यालय जइसे भीड़ वनांचल क्षेत्र म देखे बर मिलही। जे कार्यकरता मन के मेहनत हे ।
मैं त विकास यात्रा के नाम ले आप मन ल लोगन ल धन्यवाद देय बर निकले हव। कांग्रेसी मन ल विकास ढूंढे बर निकले हे। कुई कुकदूर आ जाही त विकास दिख जाही। का कांग्रेस ह 60 साल राज कंरे के बाद 1 रुपिया किलो चावल दिस हे सबले पहिली ये प्रस्न हे । कांग्रेसी मन सिरिफ नारा लगाय बर जानथे। गरीबी हटाओ के नारा ले गरीबी नइ हटाय। हमन ह ये दिसा म प्रयास करत हुए गरीब मन बर योजना बनायेन अउ धरातल म उतरेन हन। गरीब के खाय , इलाज , बिजली ,आवास , सिक्छा के बेवस्था ह विकास हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.