Home ताजा समाचार अपन नौ सूत्रीय मांग मन ल लेके हड़ताल म हे जूडा

अपन नौ सूत्रीय मांग मन ल लेके हड़ताल म हे जूडा

10
0
जूनियर डॉक्टर
अस्पताल प्रसासन के उदासीनता के विरोध

रायपुर। जूडा अपन नौ सूत्रीय मांग मन ल लेके हड़ताल म हे। अस्पताल परिसर म होवत हिंसा के घटना मन म पुलिस कारयवाही न होय अउ अस्पताल प्रसासन के उदासीनता के विरोध म जूडा अम्बेडकर अस्पताल परिसर म धरना पर बैठे हे। जूडा ने 48 घंटा म उंखर नौ मांगे पूरा नइय होय म सामूहिक इस्तीफा देय के धमकी दीस हे।
जूडा के 9 मांग मन-
1. अस्थि रोग विभाग रेसिडेंट के संग होय मारपीट म संस्था के ओर ले तत्काल एफआईआर होवय।
2. अस्थि रोग विभाग रेसिडेंट के संग होय मारपीट म आरोपी के तत्काल गेरफ्तारी होवय।
3. मेकाहारा म आवइया सबो मरीज मन के इलाज नि:सुल्क करे जाय अउ स्मार्ट कारड के बाध्यता खत्म करत हुये सबो प्रकार के बिलिंग बंद करे जाय।
4. केजवल्टी व वारड म वार्ड ब्वॉय, नर्सिंग स्टाप, आईसीसीयू म ईसीजी टेक्निशियन के समुचित नियुक्ति करत हुए रक्त जांच संबंधी बेवस्था ल सरल अउ जन सामान्य के समझे योग्य करे जाय।
5. परची बर लाइन लागय के बेवस्था ल समाप्त कर रिकॉर्ड ऑन लाइन करत हुये फाइल अउ कागज के इस्तेमाल कम ले कम करे जाय।
6. अस्पताल के सिक्योरिटी ऑफिसर ल तत्काल बरखास्त करत हुये सिक्योरिटी टेंडर के विवेचना करे जाय।
7. सामान्य, इन सर्विस रेसिडेंट सबो हड़ताल म सामिल हे। जेखर अनुसार निरनय लेय जाय।
8. समस्त रेसिडेंट डॉक्टर्स के ड्यूटी ऑवर्स सुप्रीम कोरट के गाइड लाइन के अनुसार तय करे जाय।
9. रेसिडेंट डॉक्टर मन ल मिलइया मानदेय म वृद्धि के संबंध म तत्काल लिखित निरनय लेय जाय।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.