Home ताजा समाचार सबले जादा मतदाता रायपुर जिला म अउ सबले कम नारायणपुर जिला म

सबले जादा मतदाता रायपुर जिला म अउ सबले कम नारायणपुर जिला म

28
0
मुख्य निरवाचन पदाधिकारी पीसी
ये जानकारी निरवाचन आयोग के वेबसाइट म उपलब्ध हे

राज्य म 1 करोड़ 85 लाख मतदाता …..18ले 19 बछर के 4,96,954 मतदाता करही अपन मताधिकार के प्रयोग …100 ले जादा बछर के 3140 मतदाता
रायपुर।
छत्तीसगढ़ विधानसभा चुनाइ म ये बार 18-19 बछर के 4,96,954 मतदाता अपन मताधिकार के प्रयोग करही। जबकि 100 ले जादा बछर के मतदाता मन के संख्या 3140 हे। वोटर लिस्ट के अंतिम प्रकाशन होवइया हे। येखर मुताबिक राज्य म 1 करोड़ 85 लाख मतदाता हे।
एक प्रेस कॉन्फ्रेंस म राज्य के मुख्य निरवाचन पदाधिकारी सुब्रत साहू ह बताइस के सत-प्रतिसत पात्र लोगन के नाम जोड़े अउ अपात्र के नाम विलोपित करे के काम पूरा होइस हे। ये जानकारी निरवाचन आयोग के वेबसाइट म उपलब्ध हे।
उमन बताइन के राज्य म सबले अधिक मतदाता रायपुर जिला म अउ सबले कम नारायणपुर जिला म हे। उमन कहिन के चुनाइ के दउरान व्यय निगरानी के तहत प्रचार-प्रसार करे म खरच करे जाथे, जेखर उपर आयोग नजर रखही। पत्नी अउ प्रत्याशी मन के खाता ले एक लाख ले अधिक के निकासी म घलो आयोग के पैनी नजर रहही।
मुख्य निरवाचन पदाधिकारी ह बताइस के आयोग सबो खरत के मानक दर तय करेही। सबो कलेक्टर अउ जिला निकवाचन अधिकारी ल निरदेस देय गे हे । दस लाख ले अधिक‌ ट्रांजेक्शन के सूचना आयकर विभाग ल देय जाय। आबकारी विभाग के अधिकारी मन ह निरवाचन के दउरान शराब के अवैध वितरन, अवैध परिवहन न कड़ी कार्रवाई करे के निरदेस देय गे हे, संग ही सबो कार्रवाई के विडियोग्राफी करे के घलो निरदेस देय गेहे।
उमन बताइन के मतदान के दिन सुबह मॉक पोल किये जाही। ये मा मशीन मन म 50 वोट डाल जाही अउ ओऱ्प टेस्ट कर जाही सबो वोट डिटेल्स जे उहां पोलिंग एजेंट होंही इमन ल दे जाही। वीवी पैट के परची खत्म नइ हो सकय। एक पोलिंग बूथ म 14 सौ ले अधिक मतदाता नइ होवय अउ मसीन म 15 बछर के कैपेसिटी हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.