धरना-प्रदरसन
पंजीयक ऑफिस म रजिस्ट्री कराय म दिक्कत

रायपुर। छोटे जमीन के सीमांकन, रजिस्ट्री आदि म होवत परेसानी के कारन अइसे जमीन मालिक मन के विरोध प्रदर्सन जारी हे। गुरुवार के उंखर समरथन म पहुंचे कांग्रेसी मन घलो रजिस्ट्री ऑफिस म ही धरना म बइठ गे। राज्यसभा सांसद छाया वर्मा, पूरव शहर कांग्रेस अध्यक्ष विकास उपाध्याय, पूरव विधायक कुलदीप जुनेजा अउ कल्पना पटेल, सुमित दास, करण शर्मा, साक्षी सिरमौर, अजय छत्रे आदि मन पीड़ित मन के संग धरना म बइठे हे।
बतादेन के पीड़ित मन ह सोमवार के घलो पंजीयक ऑफिस म रजिस्ट्री कराय म आवत दिक्कत मन ल लेके धरना-प्रदरसन करिन। उंखर कहिना हे के छोटे जमीन मालिक मन ल परेसान करे बर राज्य सरकार ह गलत नीति बनाय हे। येखर सेती जमीन खरीदी-बिक्री म परेसानी के सामना करना पड़त हे। पीड़ित मन के कहिना हे के सरकार ह बड़ बिल्डर मन ल फायदा पहुंचाय के उद्देस्य ले अइसे नीति बनाय हे। कांग्रेस नेतामन के कहिना हे के राज्य सरकार व राजस्व बेभाग अपन नाकामयाबी ल छुपाय बर अइसे नियम बनाय हे, जेमा आम जनता ल बेवजह परेसान होना पड़त हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.