Home ताजा समाचार फूल दुकान मन म देर रात लगिस आग…..लाखों रुपिया के नुकसान के...

फूल दुकान मन म देर रात लगिस आग…..लाखों रुपिया के नुकसान के खबर

12
0
फूल दुकान मन म देर रात लगिस आग
फिरज के कम्प्रेसर फटे के वजह ले आग लगे बताय जात हे।

रायपुर। रायपुर के फुल चउक म फूल दुकान मन म देर रात आग लग गिस। जेखर ले लाखों रुपिया के नुकसान के आसंका हे। हालांकि बेरा रहत आग म काबू पा लेय गिस, जेखर ले बड़ हादसा होय ले टल गिस। बताय जात हे के बीती देर रात धुंआ देखके मवजूद लोगन ह फायर बिरगेड ल फउन करिस त मउवका म पहुंचे दमकल के गाडी खराब होगे।
जब तक दुकान मन म लगे आग दूसर दुकान मन म घलो फइल गिस। लेकिन मउका म मवजूद इलाका के पारसद अउ स्थानीय लोगन ह अपन स्तर म आग बुझाय के परयास करिन, जेखर वजह ले आग पूरा इलाका म फइले ले बच गिस अउ बड हादसा टल गिस। सूरज पुष्प भंडार, संतोषी पुष्प भंडार अउ बजरंग पुष्प भंडार के दुकान मन पूरी तरह ले जल गे। दुकान मालिक मन के मुताबिक दुकान म रखे फिरज के कम्प्रेसर फटे के वजह ले आग लगन बताय जात हे। फिलहाल मउवका म पहुंचे दमकल ले आग म पूरी तरह ले काबू पा लेय गिस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.