Home ताजा समाचार “सरकार अउ उंखर अधिकारी सीडी के कारोबार म लिप्त ….. येला अदालत...

“सरकार अउ उंखर अधिकारी सीडी के कारोबार म लिप्त ….. येला अदालत म सिद्ध करबो”

10
0
पत्रकारवार्ता
भूपेश बघेल ह कहिन के भाजपा हर जगह दलदल फइलावत हे,

रायपुर। छत्तीसगढ़ प्रदेस कांग्रेस अध्यक्छ भूपेश बघेल ह कहिन के भाजपा हर जगह दलदल फइलावत हे, काबर के वो मन जानत हे के बिना दलदल के कमल नइ खिल सकत हे। उमन कहिन के सरकार अउ उंखर अधिकारी सीडी के कारोबार म लिप्त रहे हे, हमन येला अदालत म सिद्ध करबो।
भाजपा अध्यक्ष ल बताना होही के शिकायत करइया प्रकाश बजाज ल धमकी देवइया अउ उंखर आका के खुलासा काबर नइ करत हे? रिंकू खनूजा के मउत के जांच कबर नइ होवत हे, ये मामला म लीपापोती काबर। बघेल ह कहिन के कैलाश मुरारका के तीर 10 सीडी अउ होय के बात के जांच काबर नइ करे गिस। ये सवाल मन के जवाब सरकार ल द देना चाही।
राजीव भवन म शुक्रवार के पत्रकार मन ले चरता करत हुए भूपेश बघेल ह सीएम हाउस के एक अधिकारी के गतिविधि मन उपर घलो सवाल उठाइस। उमन कहिन के वो ह मुम्बई काबर गिस हे, येखर जांच होना चाही।
बघेल ने कहिन के भाजपा ह छत्तीसगढ़ के राजनीति ल दलदल म बदल दिस हे। सीडी कांड सरकार अउ उंखर अधिकारी के खेल हे, जेखर जल्द खुलासा मैं ह कोरच म कर हूं। ये बार जनता भाजपा ल छत्तीसगढ़ ले उखाड़ फेंकही।
बघेल ह कहिन के सरकार ल बताना होही के प्रकाश बजाज के आका कउन हे। पत्रकार विनोद वर्मा ह प्रकाश बजाज ल धमकी नइ देय हे त वो कउन हे जे ह प्रकाश बजाज ल धमकी दीस हे। झूठी कहानी बनाके एफआईआर दरज करवाय गेहे। सीबीआई ह ओला नइ पकड़िस, जे ह प्रकाश बजाज ल फोन करिस । छत्तीसगढ़ पुलिस के केस डायरी कहां हे जेखर आधार म पत्रकार विनोद वर्मा ल दिल्ली ले तत्काल गिरफ्तार करे गिस। रिंकू खनूजा के हत्या के जांच सीबीआई ह कबार नइ करिस?
भूपेश बघेल ह मानिस के दिल्ली के होटल म कैलाश मुरारका ले मुलाकात होय रहिस हे। सीबीआई ह घलो अपन चार्जशीट म ये बात रखे हे। पत्रकार मन के सवाल पूछे म भूपेश ह मानिस के मोर कुछु मिनट बर भाजपा नेता कैलाश मुरारका ले मुलाकात होय रहिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.