नाबालिक छात्रा मन ले छेड़खानी
जांच के हवाला देके परिजन अउ छात्रा मन ल चलता कर दिस

बिलासपुर। चकरभाटा थाना अंतरगत चउधरी नयापारा सासकीय प्राथमिक साला के प्रधान पाठक पाछु 3 बछर ले स्कूल के नाबालिक छात्रा मन ले छेड़खानी करत आवत हे। शुक्रवार के छात्रा मन स्कूल ल जाय ले इंकार कर दिस । छात्रा मन के परिजन मन ह कारन पूछिस त खुलासा होय म परिजन प्रधान पाठक के खेलाफ सिकायत लेके थाना पहुंचिन। पुलिस ह छात्रा अउ परिजन मन ल सिकायत कर कार्रवाई करना छोड़ के चार घंटा थाना म बइठाय रखिस। बाद म जांच के हवाला देके परिजन अउ छात्रा मन ल चलता कर दिस।
दरअसल बोदरी नयापारा सासकीय प्राथमिक साला म पढ़इया करीब 15 छात्रा मन शुक्रवार के अचानक स्कूल नइ गिस। परिजन मन ह लइका मन से स्कूल नइ जाय के कारण पूछिस। डरे सहिमे लइका मन ह परिजन मन ल बताइस के स्कूल के प्रधान पाठक वीरेंद्र उपाध्याय पाछु 3 बछर ले उंखर संग छेड़खानी करत आवत हे। छेड़खानी के बाद परिजन या दूसर व्यक्ति मन ल बताय म प्रधान पाठक स्कूल ले निकाले के धमकी देवत हे। प्रधान पाठक ह छेड़खानी करे के जानकारी परिजन मन ह नयापारा अउ चकरभाटा के महिला मन ह सहायता समूह के सदस्य मन ल दीस हे।
संझा करीब 4:00 बजे परिजन मन ह छात्रा मन अउ स्व सहायता समूह के सदस्य मन के संग सिकायत लेके चकरभाटा थाना पहुंचिन। परिजन मन अउ स्कूल के छात्रा मन ह पुलिस ल बताइस के प्रधान पाठक पाछु 3 बछर ले स्कूल के लइका मन के संग छेड़खानी करत आवत हे। सिकायत सुने के बाद पुलिस कर्मी मन ह परिजन मन ल कार्रवाई के आश्वासन देके थाना ले रात 8:00 बजे ले बइठाय रखे रहिस। थाना प्रभारी थाना पहुंचिस त परिजन मन ह घटना के जानकारी दीस। थाना प्रभारी ह जांच के बाद कार्रवाई के आश्वासन दिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.