Home ताजा समाचार डागा गर्ल्स कॉलेज म विवाद ले पढ़ाई प्रभावित.. येला लेके ...

डागा गर्ल्स कॉलेज म विवाद ले पढ़ाई प्रभावित.. येला लेके छात्रा मन अउ प्रिंसिपल म ठन गिस

9
0
डागा गर्ल्स कॉलेज म विवाद
स्थिति अतना बिगड़ गिस के कालेज म पुलिस बुलाय बर पड़िस

रायपुर । राजधानी के डागा गर्ल्स कॉलेज म आज ओ बेरा म विवाद बढ़ गिस , जब कॉलेज के गेट ल सील कर देय गिस। संग ही एक हफ्ता के छुट्टी के बात घलो फइला. गिस । स्थिति अतना बिगड़ गिस के कालेज म पुलिस बुलाय बर पड़िस।
दरअसल, कॉलेज के सिकक्छ मन के एक वरग अउ विद्यारथी मन के कहिना हे के, जब उमन कॉलेज पहुंचिन त गेट म ताला लगे मिलिस, उहें कॉलेज के प्रभारी प्राचार्य संगीता घई के कहिना के, विवाद प्रायोजित हे। कॉलेज सील नइ करे गिस हे, न ही छुट्टी घोसित होय हे।
दरअसल, घई ल हाल ही म कॉलेज के प्रभारी प्राचार्य नियुक्त करे गिस हे । घई ह कहिस के प्राचार्य के कमरा म रखे सामान के गनना बर ओला सील कर देय गिस हे । कॉलेज म ताला नइ लगाय गेहे। .येती , सिकक्छ मन के बुलाय म पुलिस पहुंचिस अउ कॉलेज म स्थिति ल सामान्य करिस।
ये पूरा वाद विवाद म सबले ज्यादा इहां के छात्रा मन ह परेसान हे, उंखर कहिना हे के इहां हमेसा विवाद बनेय रहिथे , जेखर वजह ले हमार पढ़ाई प्रभावित होवत हे । ये विवाद खत्म होवय अउ हमार पढ़ाई सामान्य रूप ले सुरू करे जाय।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.