Home सियासत काबर बीजेपी ल एक घंटा के अल्टीमेटम दिस कांग्रेस ह…. वजह जानव

काबर बीजेपी ल एक घंटा के अल्टीमेटम दिस कांग्रेस ह…. वजह जानव

16
0
कांग्रेस ह ट्वीट करिस हे
बीजेपी उपर ट्वीट के जरिये जनता ल छले के आरोप लगाइस

रायपुर। जइसे-जइसे चुनाव करीब आवत जात हे विपक्छ ह सरकार उपर हमला तेज करत जात हे। अब छत्तीसगढ़ कांग्रेस ह बीजेपी उपर ट्वीट के जरिये जनता ल छले के आरोप लगाइस हे। अतना ही नइ कांग्रेस ह झूठ ल स्वीकारे बर बीजेपी ल एक घंटा के अल्टीमेटम घलो दिस हे।
प्रदेश कांग्रेस ह ट्वीट करिस हे के रमन सिंह जी जरा बतावव के @BJP4CGState के ट्वीट म सड़क मन के तस्वीर मन कोन जगा के हे ? झूठ खुद स्वीकार लेंवव , तो अच्छा हे वरना परदाफास करे बर प्रदेस के जनता हवय ही। भाजपा अउ रमन सिंह जी के पास 1 घंटा के समय हे। वरना भाजपा के महाझूठ के खुलासा होही।
दरअसल बीजेपी ह बिहनिया एक ट्वीट करिस हे । जेमा सरकार के कारय मन के उल्लेख करत हुए राज्य म 59136 किमी सड़क निरमान के दावा करे गेहे । ये ट्वीट के संग पार्टी ह चमचमाती सड़क मन के तस्वीर घलो लगाइस हे। कांग्रेस इहीं सड़क मन उपर सवाल खड़ा करत हे । अब देखना हे के एक घंटे म कांग्रेस कउन सा खुलासा करत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.