Home ताजा समाचार जुबान फिसलिस … अउ अब एक बार फेर कांग्रेस के एक नेता...

जुबान फिसलिस … अउ अब एक बार फेर कांग्रेस के एक नेता ह विवादित बयान दे डालिस

33
0
युवा बेरोजगार सम्मेलन
मंच ले विवादित भासन देके माहुल गरम कर दिस

बिलासपुर। चुनाइ करीब हे अउ प्रदेस म राजनीति लगातार गरमात जात हे। राजनीतिक आरोप-प्रत्यारोप के एक अइसे दउर चलत हे के कुछु नेता मन के जुबान फिसलत जात हे । अइसने वाकया बिलासपुर म होइस हे। एक बार फेर एक नेता ह विवादित बयान दे डालिस।
बिलासपुर म प्रदेस युवा कांग्रेस ह युवा बेरोजगार सम्मेलन कराइस। युवा कांग्रेस के राष्ट्रीय अध्यक्छ केशव चंद्र यादव ह ये मा शिरकत करिस हे। मंच ले विवादित भासन देके माहुल गरम कर दिस। भले ही उंखर समरथक उंखर बात म ताली पीटत नजर आइस ,लेकिन अपन बेयान ले वो ह घिर गिस।
बिलासपुर म कांग्रेस नेता मन उपर होय लाठीचारज म बीजेपी सरकार उपर हमला करत हुए केशव ह कहिन के लोकतंत्र म सरकार आत-जात रहिथे। जब हमार सरकार बनही त बिलासपुर लाठीचारज के दोषी मन ल बीच चउराहा म मुरगा बनाके पीटे जाही, अउ दिमाग ल ठीक कर देय जाही।
अपन ये विवादित भासन के बाद केशव मीडिया के आघू सफाई देवत नजर आइस हे। उमन कहिन के हमन गांधी जी के रास्ता म चलइया
लोगव बन, लेकिन जे प्रकार बीजेपी ह सासन म देस-प्रदेस म लोगन के गुस्सा बढ़त जात हे, येखर परिनाम अच्छा नइ होही।
गउरतलब हे के मंत्री अमर अग्रवाल के घर म कांग्रेस कारयकर्ता मन ह कचरा फेंक कर प्रदरसन करिस हे , येखर बाद पुलिस ह कारयकरता मन उपर लाठीचारज करिस हे। ये मा कतको कांग्रेसी नेता अउ कारयकरता मन घायल होइस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.