Home ताजा समाचार एक अउ सीडी कांड ह राजनीति म भूचाल ला दिस

एक अउ सीडी कांड ह राजनीति म भूचाल ला दिस

40
0
एक अउ सीडी कांड
सीडी म कांग्रेस के एक वरिष्ठ नेता एक शख्स ले सीट के सउदा करत हुए सुनाई देवत हे

रायपुर । छत्तीसगढ़ म मंत्री के कथित सेक्स सीडी के बाद एक अउ सीडी कांड ह राजनीति म भूचाल ला दिस हे। ये सीडी ल एक निजी इंग्लिश चैनल ह आघू लाइस हे। ये सीडी के आय के बाद एक बार फेर छत्तीसगढ़ के राजनीति नवा दिशा म मुड़ सकत हे।
सेक्स सीडी कांड ले कांग्रेस ह अभु पीछा नइ छुड़ा सके हे के एक अउ सीडी ह कांग्रेसी नेता मन के नींद उड़ा दीस हे। ऊपरी तउर म भले कांग्रेसी एकता के दिखावा करथे । लेकिन हकीकत म अंदरूनी गुटबाजी के चलत रोज नवा कारनामा आघू आवत हे । एक निजी चैनल ह ये दावा करिस हे के स्टिंग म दिखायगे नेता ह पइसा के बदले म 2 सीट देय के प्रस्ताव दिस हे, हालांकि ये चैनल ह नेता के नाम अउ तस्वीर उजागर नइ करिस हे। चैनल ह ये साफ कहिस के , ‘कांग्रेस नेता के सीडी कउनो अउ ह बनाय हे, जेखर चलत उंखर चेहरा नइ दिखत हे, लेकिन हमर तीर ऑडियो हे’।
‘सीट के होवत हे सउदा’
दावा करे जात हे के, ‘सीडी म कांग्रेस के एक वरिष्ठ नेता एक शख्स ले सीट के सउदा करत हुए सुनाई देवत हे, हालांकि कैमरा म कइद होय कांग्रेस नेता के नाम त चैनल ह नइ दिखाय हे, लेकिन स्टिंग ऑपरेसन म एक पत्रकार ले बातचीत करत हुए ये डील करत हुए कांग्रेस नेता ल दिखाय जात हे।
कांग्रेस के नेता के सीडी बनाय के ऑफर’
टीवी चैनल के दावा हे के, ‘कांग्रेस के ही एक सीनियर नेता ह अपन पार्टी के दूसर नेता के सीडी बनाय के खुला ऑफर दिस हे । कमाल के बात ये हे के, ये सीडी ल बनाके देय के एवज म दू सीट देय के ऑफर घलो देय गिस हे ‘।
रिकॉर्ड होइस सबो बात ह
बताया जात हे के कांग्रेस नेता, एक कथित पत्रकार अउ एक मिडिल मैन के बीच ये पूरा बातचीत होइस हे। हालांकि प्रथम दृष्टया ये बातचीत कउनो होटल के कमरा या फेर कोनो बड़ हॉल म रिकॉर्ड करेगे लगत हे। चैनल के दावा हे के, ‘कांग्रेस के एक बड़ नेता ह अपने ही नेता के सीडी बनाके देय के ऑफर दिस हे।
कांग्रेस के तीर बस सीडी बनाय के ही काम बच गेहे
उहें बीजेपी के प्रदेस प्रवक्ता सच्चिदानंद उपासने ह य् मामला म कहिन के , ‘कांग्रेस सीडी के ही पार्टी हे अउ उँखर काम ही सीडी बनाना हे। येखर ले ओखर चाल अउ चरित्र उजागर होइस हे। येखर पहिलि घलो कांग्रेस ह ये तरह के सीडी बनाय के बात आघू आय रहिस हे’। उपासने ह कहिन के ‘कांग्रेस के तीर बस सीडी बनाय के ही काम बच गेहे, काबर के कांग्रेस जानत हे के चउथी बार घलो जनता भाजपा ल ही जिताइया हे’।
ये भाजपा अउ उँखर सहयोगी मन के नवा चाल हे
कांग्रेस के बड़ नेता ह पइसा के बदला म सीट मन के सउदा करे के मामला म कांग्रेस ह एक लिखित बयान जारी करिस हे , जेमा कहे गिस हे के कांग्रेस ल बदनाम करे बर ये भाजपा अउ उंखर सहयोगी मन के नवा चाल हे। कांग्रेस के प्रदेश प्रवक्ता घनश्याम राजू तिवारी ह कहिन के मंत्री के कथित सेक्स सीडी बनाके छत्तीसगढ़ के स्वच्छ राजनीति के जे प्रकार चीरहरण भारतीय जनता पार्टी ले जुड़े लोगन मन करिन, ठीक उहीं तरह प्रदेस के सत्तारूढ़ दल भारतीय जनता पार्टी अपन खिसकत जनाधार अउ हार के डर म ये तरह ले कांग्रेस ल बदनाम करे के कुंठित प्रयास करत हे ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.