Home ताजा समाचार एनएमडीसी ले आय फंड गायब हो जाथे इहां……

एनएमडीसी ले आय फंड गायब हो जाथे इहां……

25
0
नगरनार पंचायत क्षेत्र
एनएमडीसी ह क्षेत्र के विकास के नाम ले हर बछर करोड़ों रुपिया देथे

जगदलपुर। केन्द्र सरकार ह अरबों रुपिया ले बनत एनएमडीसी प्लांट अब कुछु महीन मन के बाद सुरु हो जाही, लेकिन जे नगरनार पंचायत क्षेत्र म ये प्लांट लगे हे , वो ह आज घलो कंगाल बने हुए हे। पाछु के कतको बछर ले पंचायत म कोनो विकास कारय नइ होय हे। लोगन मन ल गंदगी म रहिके जीये बर मजबूर हे। इहां के स्थानीय लोगन मन ह कईबछर ले सड़क, बिजली अउ पेयजल के मांग करत आवत हे लेकिन जनप्रतिनिधि ले लेके अधिकारी मन ह कभु ये समस्या मन ल गंभीरता ले नइ लेय हे अउ ना ही कोनो निदान करिस हे।
नगरनार पंचायत के लोगन मन के मुताबिक एनएमडीसी ले लगे ये पंचायत ह कतको बार कलेक्टर ले लेके मंत्री मन तक उमन गुहार लगा चुके हे। हर बछर एनएमडीसी ले मिलइया सीएसआर के फंड कहां जाथे ये कोनो ल नइ मालूम। एनएमडीसी ह क्षेत्र के विकास के नाम ले हर बछर करोड़ों रुपिया देथे ताकि नगरनार पंचायत सहित आसपास कतको पंचायत मन म विकास होवय, लेकिन अफसर अउ जनप्रतिनिधि मन के मिली भगत ले एनएमडीसी ले आये फंड गायब हो जाथे। स्थानीय ग्रामीन मन के आरोप हे के सरपंच मन ल पंचायत ले कोनो लेना देना नइए । चुनाव जीते के बाद आज तक कोनो पंचायत म काम नहीं करवाय गेहे । येखर ले पंचायत के ग्रामीन मन म काफी जादा आक्रोस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.