Home ताजा समाचार आत्मसमरपन करिया नक्सली मन ह करिन ये खुलासा

आत्मसमरपन करिया नक्सली मन ह करिन ये खुलासा

13
0
आत्मसमरपन
छत्तीसगढ़ म स्कूल भवन म तोड़फोड़ करवात हे

कोण्डागांव। आंध्रा के नक्सली लीडर मन उपर आत्मसमरपन करइया नक्सली मन ह गंभीर आरोप लगाइस हे। ये लोगन मन ह शारीरिक शोसन अउ भेदभाव के आरोप लगात हुए कहिन के छत्तीसगढ़ म स्कूल भवन म तोड़फोड़ करवात हे, लेकिन आंध्र प्रदेश म कोनो तरह के तोड़फोड़ नइ करे के चेतावनी देय जाथे। कोण्डागांव म 7 नक्सली मन ह पुलिस अउ सुरक्षाबल मन के आघू आत्मसमरपन करिन हे। ये नक्सली मन ह सीआरपीएफ के समक्छ सरेंडर करिस हे। ये मा छह पुरुष अउ एक महिला नक्सली सामिल हे।
समरपन करइया नक्सली मन ह बताइस के आंध्रा के नक्सली लीडर छत्तीसगढ़ के महिला नक्सली मन के सारीरिक सोसन करत हे। आंध्रा के नक्सली लीडर के ओर ले आंध्र प्रदेस म कोनो तरह के तोड़फोड़ नइ करे के चेतावनी दे जाथे, लेकिन छत्तीसगढ़ म स्कूल भवन मन म तोड़फोड़ करवाथे, नक्सली संगठन ह लोगन ल डरा धमका के अपन संगठन म जोड़त हे अउ उमन ल उँखर घरवाले ले मिले घलो नउ देवय। ये तरह के व्यवहार ले नक्सली विचारधारा ले उंखर मोह पूरी तरह ले टूट चुके हे अउ येखर खातिर उमन ह आत्मसमरपन कर समाज के मुख्यधारा ले जुड़े के फइसला करिस हे।
जानकारी के अनुसार कमांडेंट कवींद्र चंद अउ पुलिस अधीक्षक अरविंद कुजूर के समक्छ आत्मसमरपन करइया नक्सली मन कतको वारदात मन म सामिल रहे हे। सातो नक्सली मर्दापाल अउ छोटे डोंगर एरिया म सक्रिय रहिन हे। आत्म समरपन करइया नक्सली मन म गुड्डू, रतिराम, मालती, धारू, धनेश्वर,मंगरु अउ श्रमेश सामिल हे। इमन के खेलाफ 147, 148, 307, 302, 25, 27 आर्म्स एक्ट जइसे धारा मन म मामला दरज हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.