Home ताजा समाचार आज के युवा मन ह कल समाज अउ प्रदेस ल नेतृत्व प्रदान...

आज के युवा मन ह कल समाज अउ प्रदेस ल नेतृत्व प्रदान करही : मुख्यमंत्री रमन

22
0
संवाद अउ प्रतिभा सम्मान समारोह
उल्लेखनीय कारय करइया युवा मन के प्रसस्ति पत्र प्रदान कर सम्मानित करिस

रायपुर। राजधानी म अटल बिहारी बाजपेयी आटिडोरियम म आयोजित युवा संवाद अउ प्रतिभा सम्मान समारोह ल संबोधित करत हुए मुख्यमंत्री रमन सिंह ह कहिन के आज के युवा ही कल समाज अउ प्रदेस ल नेतृत्व प्रदान करही । प्रदेस के युवा मन के जोश अउ ऊरजा नवा छत्तीसगढ़ के निरमान म अहम भूमिका निभाही। मुख्यमंत्री ह ये अवसर म नवा छत्तीसगढ़ 2025 के निरमान के संबंध म प्रदेस के युवा मन ले चरचा करिन अउ उंखर सुझाव घलो लिन। ये अवसर म मुख्यमंत्री ह प्रदेस के प्रतिभासाली युवा मन अउ विभिन्न क्षेत्र मन म उल्लेखनीय कारय करइया युवा मन के प्रसस्ति पत्र प्रदान कर सम्मानित घलो करिस हे।
मुख्यमंत्री ने कारयकरम ल संबोधित करत हुए कहिन के राज्य के निरमान के बेरा म छत्तीसगढ़ बीमारू राज्य के सेरनी रहिस। छत्तीसगढ़ के निरमान के पूरव प्रधानमंत्री अटल बिहारी बाजपेयी ह जे कल्पना ले छत्तीसगढ़ के निरमान करिन, राज्य सरकार ह पाछु के 15 बछर म विकास यात्रा म ये दिसा म उठाय गेय कारगर कदम ले आज छत्तीसगढ़ विकसित राज्य के सेरनी म आ खड़ा होइस हे । सन् 2025 म जब छत्तीसगढ़ अपन स्थापना के रजत जयंती मनाही, त छत्तीसगढ़ कइसे होही, येखर बर अटल दृष्टि पत्र बनाय गेहे, संग ही नवा छत्तीसगढ़ के निरमान बर सबो वगर के सहभागिता सुनिस्चत करत हुए उंखर सुझाव लेय जात हे। इहीं कड़ी म आज इहां युवा मन ले चरता होवत हे । ये मउवका म उपस्थित युवा मन ह सवाल करिन जेखर मुख्यमंत्री ह जवाब देवत हुए उमन आपातकाल के विरोध करिन अउ जयप्रकाश नारायण व अटल जी ले प्रेरना लेके राजनीति म आइन । उमन बताइन के कालेज के 5 बछर उंखर जीवन के सबले अच्छा दिन रहिन हे। वो दिन म उमन दो तीन फिल्म ल एक संघरा देख लेवत रहे हव। कारयकरम म सांसद रमेश बैस, कृषि मंत्री बृजमोहन अग्रवाल, विधायक श्रीचंद सुंदरानी विसेस रुप ले मवजूद रहिन हे ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.