Home ताजा समाचार जेल अधीक्छक ठाकुर समेत दू मुख्य प्रहरी अउ 4 प्रहरी सस्पेंड

जेल अधीक्छक ठाकुर समेत दू मुख्य प्रहरी अउ 4 प्रहरी सस्पेंड

28
0
कार्यवाही
जेल ले प्रतिबंधित सामग्री मन ल घलो जब्त होय रहिस हे

धमतरी। धमतरी जिला जेल म प्रतिबंधित सामग्री अंदर ले जाने के खबर म डीआईजी के छापामार कार्रवाई के बाद मुख्य पहरी अउ प्रभारी समेत 7 लोगन ल निलंबित कर देय गिस हे। कार्रवाई म डीआईजी ह प्रतिबंधित सामग्री मन ल घलो जब्त होय रहिस हे। डीआईजी ह जेल अधीक्छक एसआर ठाकुर समेत दू मुख्य प्रहरी अउ 4 प्रहरी मन ल सस्पेंड करिस हे।
दरअसल धमतरी के जिला जेल म प्रतिबंधित सामग्री मन ल अंदर ले जाय के खबर रायपुर तक पहुंचे रहिस हे। जेखर के बाद डीआईजी केके गुप्ता ह 23 सदस्य टीम गठित कर 8 सितम्बर के अचानक जेल म दबिस देय रहिस हे। टीम ह जेल के चारों दिसा मन ल खंगाले के बाद कैदी मन के बैरक के जांच करिस जेमा कई प्रतिबंधित सामग्री बरामद होइस। येला लेके डीआईजी गुप्ता ह जेल अधीक्क्छ ठाकुर समेत दो मुख्य प्रहरी अउ 4 प्रहरी ल सस्पेंड कर दिस हे। ये कारयवाही ले हड़कंप मच गेहे। उहें जेल अधीक्छक के जगह सहायक जेल अधीक्छक शिवकुमार साहू ल प्रभार देय गेहे।
ज्ञात होही के जेल म पइसा लेके लोगन ल कैदी मन ले मिले देय के लगातार सूचना मिलत रहिस हे। ये संबंध म पूरव म वसूली करत स्टाफ के वीडियो घलो वायरल होय रहिस हे। सूचना के बाद डीआईजी ह टीम गठित कर कार्रवाई करिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.