रमन कैबिनेट के बइठक
कतको महत्वपूरन फइसला उपर निरनय लिय गिस

रमन कैबिनेट के बइठक म कतको महत्वपूरन फइसला पर होइस निरनय
रायपुर।
मुख्यमंत्री डॉ. रमन सिंह के अध्यक्छता म बुधवार के होय रमन कैबिनेट के बइठक म आज कतको महत्वपूरन फइसला उपर निरनय लिय गिस। कैबिनेट म सबले अहम फइसला माडा क्षेत्र मन के आदिवासी मन परिवार बर घलो अब 5 रुपए प्रति किलो के दर से चना देय जाही।
अब प्रदेस के 9 माडा क्षेत्र मन के 1080 गांव मन म निवासरत सबो अंत्योदय अउ प्राथमिकता वाले रासन कारडधारक मन ल घलो छत्तीसगढ़ खाद्य अउ पोसन सुरक्छा अधिनियम 2012 के तहत हर महीना प्रति रासन कारड 2 किलो देसी चना 5 रुपए प्रति किलो के दर ले देय जाही। येखर ले लगभग एक लाख 27 हजार 114 रासन कारड धारक परिवार मन ल येखर लाभ मिलही। बता दन के माडा क्षेत्र 10 हजार ले ओखर ले जादा आबादी वाला एक ले जादा राजस्व गांव के अइसे क्षेत्र ल कहे जाथे, जिहां 50 प्रतिसत या ओखर ले अधिक जनसंख्या आदिवासी मन के होथे। छत्तीसगढ़ के 7 जिल मन म 9 माडा क्षेत्र हे, येमा रायगढ़ क्षेत्र म 2 माडा क्षेत्र गोपालपुर और सारंगढ़ म क्रमस 33 अउ 100 गांव सामिल हे… राजनांदगांव के नचनिया माडा क्षेत्र म 77… बलौदाबाजार के माडा बलौदाबाजार म 147, जांजगीर चांपा के रुचगा माडा क्षेत्र म 46, कबीरधामा के माडा म 219 अउ महासमुंद-200 अउ महासमुंद-2 म 215 अउ धमतरी के गंगरेल माडा क्षेत्र म 43 गांव सामिल हे। उहें छत्तीसगढ़ के स्वशासी चिकित्सा महाविद्यालय सैक्छनिक आदरस सेवा 2018 ल प्रदेस म लागू करे जाही। येखर अंतरगत चिकित्सा महाविद्यालय मन अउ दंत चिकित्सा महाविद्यालय बर नियमित नियुक्ति के अधिकार स्वसासी समिति के कारयकारिनी समिति ल होही
। ये घलो प्रावधान करे गेहे के चयनित सिक्छक अपन अपन कॉलेज म ही कारय करही अउ अधीक्छक जइसे प्रसासनिक पद मन उपर भरती नइ करे जाही। पूरव ले कारयरत अउ लोकसेवा आयोग के चयनित नियमित सिक्छक पूरववत रहही।
पसुधन विकास वेभाग के अंतरगत पंजीकृत गउ साला मन ल सौर सुजला योजना के तहत सोलर पंप देय जाही। ताकि पशु मन बर पेयजल अउ चारा उत्पादन बर सिंचाई के सुविधा मिल सकय। उल्लेखनीय हे के ये योजना के तहत किसान मन ल उंखर खेत बर सासकीय योगदान उपर सोलर सिंचाई पंप देय जात हे।
प्रदेस म पहिली 51 हजार सिंचाई पंप स्थापना के लक्छ्य रहिस हे, जेखर मार्च 2019 तक बढ़ाके 56, 574 कर देय गिस हे । चालू वित्तीय बछर 2018-19 म ये 490 करोड़ खरच कर 19 हजार 494 सोलर सिंचाई पंप लगाय जाही। मंत्री परीसद म गउ साला मन म चरणबद्ध तरीका ले सिंचाई पंप लगाय के निरनय लिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.