Home ताजा समाचार पुलिस वाले के घर धावा मारिस चोर ह…..10 लाख के जेवर पार

पुलिस वाले के घर धावा मारिस चोर ह…..10 लाख के जेवर पार

30
0
10 लाख के जेवर पार
चोर मन ह रेकी के बाद वारदात ल अंजाम दिस

रायपुर। बीती रात पुरानी बस्ती इलाका के एक पुलिस वाले के मकान म चोर ह धावा बोल के करीब 10 लाख के जेवर पार कर दिस। रायपुर म पदस्थ आरक्षक सौरव सिंह ठाकुर परिवार के संग पुरानी बस्ती इलाका म रहिथे। चोर ह किचन के रास्ता ले घर म घुसिस अउ कमरा म सोवत सौरभ अउ उंखर मां के कमरा के दरवाजा बाहिर ले बंद कर दिस अउ ओखर बाद दूसर कमरा म चोरी करिस।
जांच म खुलासा होइस के चोर मन ह रेकी के बाद वारदात ल अंजाम दिस। घटना स्थल के आसपास सीसीटीवी कइमरा खंगाले के बाद पता चलिस के एक चोर ह वारदात ल अंजाम देय हे। राधास्वामी नगर म आरक्छक सौरव सिंह ठाकुर के मकान हे। सौरव, उंखर मां अउ दादी घर म रहिथे। बिहिनिया सौरव अउ उंखर परिवार उठिस त चोरी के पता चलिस के आलमारी म रखे 30 तोला सोना के जेवर अउ करीब 5 हजार रुपिया गायब हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.