Home ताजा समाचार अपन ही क्षेत्र म विरोध के सामना करे बर पड़िस संसदीय सचिव...

अपन ही क्षेत्र म विरोध के सामना करे बर पड़िस संसदीय सचिव चंद्रवंशी ल

14
0
संसदीय सचिव व पण्डरिया विधायक
विधायक के खेलाफ ही नारेबाजी करे लगिस

कवर्धा। मुख्यमंत्री के गृह म संसदीय सचिव व पण्डरिया विधायक मोतीराम चंद्रवंशी ल एक बार फेर अपन ही विधानसभा क्षेत्र म जबरदस्त विरोध के सामना करना पड़िस हे। जब आक्रोसित ग्रामीन मन के गुस्सा फूटिस त विधायक मोतीराम चंद्रवंशी ल उहां ले मजबूरन भागना पड़िस।
दरअसल बुधवार के संझा पण्डरिया विधानसभा क्षेत्र के ग्राम गेंदपुर म विधायक मोतीराम चंद्रवंशी ह एक कारयकरम म सिरकत करे बर पहुंचिस । इहीं दउरान ग्रामीन मन ह अपन समस्या ले विधायक मोतीराम ल अवगत कराइस। अउ बताइस के कतको महिना ले रासन अउ मनरेगा के पइसा नइ मिले हे। इही दउरान ग्रामीन मन गुस्सा गे अउ विधायक के खेलाफ ही नारेबाजी करे लगिस। तब मउवका के नजाकत देखत मोतीराम चंद्रवंशी आक्रोसित ग्रामीन मन ल समझाय के कोसिस करिस लेकिन ग्रामीन मन ह विरोध करत हुये नारेबाजी जारी रखीस। जब ग्रामीन मन ण सांत नइ होत दिखिस त विधायक ल ह उहां लउटना उचित समझिस। त ग्रामीन मन ह विधायक के गाड़ी के आघू खडा होगिस, तब सुरक्छा करमी मन उमन ले सुरक्षित निकालिस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.