Home ताजा समाचार महिला महासम्मेलन म लाखो के संख्या म महिला मन सामिल होही: सरोज

महिला महासम्मेलन म लाखो के संख्या म महिला मन सामिल होही: सरोज

23
0
सरोज पांडेय के पीसी
भाजपा ह महिला मन ल सबो क्षेत्र मन म प्रमुखता ल स्थान दीस

रायपुर। सांसद सरोज पांडेय ह कहिन के महिला सम्मेलन दुर्ग म प्रदेसभर के महिला मन के सम्मेलन होवइया हे , जेमा राष्ट्रीय अध्यक्छ अमित शाह शामिल होंही। उमन कहिन के ये सम्मेलन भिलाई चरोदा के दशहरा मइदान म होही। जेला अमित शाह ह संबोधित करही।
भाजपा के महिला सम्मेलन ल लेके राष्ट्रीय महासचिव सरोज पांडेय ह प्रेस कॉन्फ्रेंस करिस। ओहा पत्रकार मन ल बताइस के सुक्रवार के होए वाले महिला महासम्मेलन म लाखो के संख्या म महिला मन सामिल होवइया हे। भिलाई के चरोदा म होए वाले ए कार्यक्रम म भाजपा के राष्ट्रीय अध्यक्ष अमित शाह घलो सामिल होही। बिधानसभा चुनई ल देखत हुए शाह के दउरा काफी अहम माने जात हे। उंहे सरोज पांडेय मिशन 65 प्लस ल लेके दावा करिस कि प्रदेस म भाजपा एक दरि फेर सरकार बनाही। ओहा कहिस कि मुख्यमंत्री रमन सिंह के अगुवाई म छत्तीसगढ़ सल्लग विकास करत हे, अऊ आगु विकास के रफ्तार अऊ तेज होही।
भाजपा ह महिला मन ल सबो क्षेत्र मन म प्रमुखता ल स्थान दीस
सांसद सरोज पांडेय ह कहिन के राजनीतिक दल के रुप म पारटी म महिला मन के भागीदारी ल लेके भाजपा हमेसा आघू रहत हे। उमन कहिन के पीएम नरेन्द्र मोदी के कारयकाल म ये बात म हमेसा तवज्जों देय गिस के महिला मन के आंखि मन म आंसू न आवय। कतको अइसे योजना मन ल चलाय हे, जेखर ले महिला मन ल सोझे लाभ होवत हे। उमन एक मुखिया तउर म महिला मन के चिंता करिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.