सीडी म क्लास लेंही राहुल ह
छत्तीसगढ़ दउरा अउ संझा के वायरल वीडियो सीडी म चरचा होय के संभावना हे

रायपुर। पीसीसी अध्यक्छ भूपेश बघेल समेत प्रदेस के सात कांग्रेस नेता मन ल शुक्रवार के दिल्ली बुलाय गिस हे । बिहनिया पार्टी के राष्ट्रीय अध्यक्छ राहुल गांधी के संभावित छत्तीसगढ़ दउरा अउ संझा के वायरल वीडियो सीडी म चरचा होय के
संभावना हे। पार्टी के वरिष्ठ नेता चरणदास महंत अउ कारयकारी अध्यक्छ शिव डहरिया ह कल ही दिल्ली रवाना हो चुके हे। उहें सत्यनारायण शर्मा, भूपेश बघेल अउ टीएस सिंहदेव आज दिल्ली रवाना होइस हे।
सूत्र मन के हवाले ले मिले सूचना के मुताबिक स्टिंग ऑपरेसन आघू आय के बाद ले ही पार्टी के भीतर नेतृत्व म बदलाव के मांग उठत हे। आलाकमान के आघू प्रदेस के नेता हालात के जानकारी देंही। संभव हे नेतृत्व परिवरतन ल लेके बात होवय। स्टिंग ऑपरेसन वाले मामला म प्रदेस प्रभारी पीएल पुनिया अउ पीसीसी चीफ भूपेश बघेल के नाम आघू आवत हे। अगर अइसे ही हाल रह ही त आगामी चुनाइ म जीत दरज करे के उम्मीद लगाय बइठे कांग्रेस पार्टी ल हार के मुंह देखना पड़ सकत हे।
आज बिहनिया छत्तीसगढ़ प्रभारी पीएल पुनिया नेता मन के संग राहुल गांधी के दउरा मर चरचा करही। राहुल ये महिना दू बार छत्तीसगढ़ आ सकत हे। उंखर दउरा राजनांदगांव अउ कवर्धा के हो सकते हे। येती संझा राहुल गांधी ह बइठक लेंही, जेमा पुनिया, बघेल, सिंहदेव अउ महंत उपस्थित रहही। ये बइठक म वायरल वीडियो म बात होही। चरचा हे के पीसीसी अध्यक्छ उपर कोनो कार्रवाई हो सकत हे या फेर राहुल वीडियो ले विचलित न होके चुनाव म फोकस करे के नसीहत दे सकत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.