Home ताजा समाचार ” लोगन ल स्वास्थ्य बर जागरूक करे के उद्देस्य ले 5 दिवसीय...

” लोगन ल स्वास्थ्य बर जागरूक करे के उद्देस्य ले 5 दिवसीय निःसुल्क योग शिविर “

29
0
योग सिविर
मुंगेली म 5 दिवसीय निःसुल्क योग प्रसिक्छन सिविर

नवनीत शुक्ला, मुंगेली। आज के दउड़ भाग भरे जिनदगी म लोग अपन स्वास्थ्य के प्रति लापरवाह होवत जात हे । जेखर कारन कम उमर म ही कतको बेमारी जइसे दिल के दउरा, ब्लड प्रेसर, अनिद्रा, गइस, ये सब हमर अनियमित दिनचरया के कारन होथे । ये सब ले बचे रहे बर अउ स्वस्थ अउ निरोगी रहे खातिर योग ल जीवन म उतारना जरूरी होवत जात हे । तभे कहे गेहे के ” करो योग रहो निरोग ”
आगर हाई स्कूल मुंगेली म 5 दिवसीय निःसुल्क योग प्रसिक्छन ,आयुरवेद सभा एवं एक्यूप्रेसर इलाज के द्वितीय दिवस के सुभारंभ माँ सरस्वती के चरन मन के पूजा अउ वंदना ले प्रारंभ होइस । ये हाई स्कूल परिसर म तारीख 2 अकटूबर ले 6 अक्टूबर तक बिहनिया 5 ले 7 बजे अउ संझा 5 ले 7 तक 5 दिवसीय निः सुल्क योग सिविर के आयोजन करे गेहे । जेखर आज दूसर दिन रहिस हे। येमा 125 लइका मन अउ अबड़ संख्या म सियान मनखे, पारसद मन उपस्थित रहिन? ये मन ल हरिद्वार ले आय अजय कुमार योग प्रचारक ह योग अउ प्राणायाम ले स्वास्थ्य लाभ प्राप्त करिस। जेमा स्वच्छता के संग स्वस्थ रहे बर नियमित योग करे के नारा दिये गिस । ये अवसर म आशीष मिश्रा , सोम वर्मा (पार्षद) , राजकुमार( पार्षद ), स्वतंत्रत मिश्रा, अनूप जैन, एसआर केवर्त, सुरेंद्र यादव, योगेश सोनी आदि मन सामिल होइस।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.