Home ताजा समाचार ये वजह ले छत्तीसगढ़ कॉलेज के छात्र- छात्रा मन ह प्रबंधन...

ये वजह ले छत्तीसगढ़ कॉलेज के छात्र- छात्रा मन ह प्रबंधन के खेलाफ खोलिस मोरचा

26
0
प्रबंधन के खेलाफ मोरचा
एचओडी एमएम तिवारी के ट्रांसफर नइ रोकही तबतक आंदोलन जारी रहही

रायपुर। प्रदेस के सरकारी करमचारी मन अउ छात्र-छात्रा मन ह ये दिन मन म आंदोलन के मूड म हवय। हिदायतुल्ला नेशनल लॉ यूनिवर्सिटी के बाद अब छत्तीसगढ़ कॉलेज के छात्र छात्रा मन घलो आज प्रबंधन के खेलाफ मोरचा खोल दिस। इकर कहिना हे के जब तक फिजिक्स डिपार्टमेंट एचओडी एमएम तिवारी के ट्रांसफर नइ रोकही तबतक आंदोलन जारी रहही।
दरअसल, फिजिक्स डिपार्टमेंट एचओडी एमएम तिवारी के ट्रांसफर अंबागढ़ चौकी कर देय गिस हे। छात्र मन के कहिना हे के एमएम तिवारी राजनीतिकरन के सिकार हो गिस हे । उहें छात्र-छात्रा मन ह प्रबंधन उपर आरोप लगाइस के उंचा ओहदा म बइठे लोगन ले मिली भगत कर उँखर ट्रांसफर कराय गिस हे । छात्र मन ह प्रबंधन ल चेतावनी देवत हुए कहिन के जब तक उमन ल वापिस नइ लाय जाय तब तक क्लास म नइ जावन।
छात्र मन के कहिना हे के एमएम तिवारी राजनीतिकरन के सिकार होगे हे । अउ उमन ल अपमानित करे के निकाले गिस। पाछउ के बछर म एमएससी फिजिक्स के कोरस चालू होइस । उंखर प्रभार ले एमएम तिवारी ल हटाके उंखर ले जूनियर असिस्टेंट प्रोफेसर ल प्रभार दे देय गिस, जे नियम के विरुद्ध हे। मामला ल लेके जब उमन आवाज उठाइस त उंखर ट्रांसफर कर देय गिस हे । लगातार उमन आवाज उठात रहिस हे येखर सेती उमन ल निकाले गिस हे। अउ उंखर ट्रांसफर कर अम्बागढ़ चौकी भेज देय गिस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.