Home ताजा समाचार आचार संहिता के चंद घंटा पहिली रमन कइबिनेट के महत्वपूरन फइसला

आचार संहिता के चंद घंटा पहिली रमन कइबिनेट के महत्वपूरन फइसला

11
0
रमन कइबिनेट
पेट्रोल डीजल उपर ढ़ाई रुपिया वैट कटौती ल रमन कइबिनेट के मंजूरी मिल गिस हे

रायपुर । रमन कइबिनेट के संभवत: आज आखरी बइठक रहिस हे। ये बइठक म कतको अहम फइसलै लेय गिस। बइठक म पेट्रोल डीजल उपर ढ़ाई रुपिया वैट कटौती ल रमन कइबिनेट के मंजूरी मिल गिस हे। उहें सीवी वाजपेयी ल छत्तीसगढ़ उपभोक्ता आयोग के अध्यक्छ के रूप म राज्य सासन ह नियुक्ति करस। गउरतलब हे के 15 दिन मन म कइबिनेट के तीसर बइठक हे। उल्लेखनीय हे चुनाव आयोग के तइयारी ल देखत हुये छत्तीसगढ़ समेत पांच राज्य मन म आज चुनाइ के तारीख मन के घोसना होय के संभावना हे।
छत्तीसगढ़ म चुनाव आचार संहिता लगे के कुछु घंटा पहिली राज्य सरकार ह महत्वपूरन फइसला लिस हे। एक सप्ताह के भीतर रमन सरकार के ये तीसर बइठक रहिस हे। ये पहिली मउवका हे जब हफ्ता म तीन बार कइबिनेट जुटिस। आज सीएम हाउस म कइबिनेट के बइठक में पेट्रोल डीजल पर ढ़ाई रुपए वैट कटौती ल रमन कइबिनेट की मंजूरी मिल गिस हे। पुनरवास नीति के तहत अब परिवार म कोनो अन्य उत्तराधिकारी नइ होय के स्थिति म विवाहित पुत्री ल घलो सासकीय लाभ मिलही। राज्य सरकार ह नीति म संसोधन करिस हे। कइबिनेट म अटल दृष्टि 2025 म चरता होइस हे , ये छत्तीसगढ़ सरकार के ससक्त, समृद्ध अउ खुसहाल छत्तीसगढ़ के विजन बनाय गेहे।
सीवी वाजपेयी ल छत्तीसगढ़ उपभोक्ता आयोग के अध्यक्छ के रूप म राज्य सासन ह नियुक्ति करिस हे। उहें आज तिथियों के ऐलान होही त ये कइबिनेट के आखिरी बइठक होही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.