Home ताजा समाचार युवक उपर चाकू ले प्राणघातक हमला….आरोपी हिरासत म

युवक उपर चाकू ले प्राणघातक हमला….आरोपी हिरासत म

12
0
चाकूबाजी के मामला
गम्भीर रूप ले घायल युवक ल उपचार बर अस्पताल म भरती करे गिस

रायपुर। राजधानी म चाकूबाजी के मामला थमे के नाम नइ लेवत हे। काली रात के फेर गोलबाजार थाना क्षेत्र म मामूली बात म एक युवक उपर चाकू ले प्राणघातक हमला कर चोट पहुंचाय गिस। गम्भीर रूप ले घायल युवक ल उपचार बर अस्पताल म भरती करे गिस हे।
बतादन के पेटी लाइन गोलबाजार निवासी मोहम्मद हसन खान (22) शब्बीर स्टील ट्रंक नाम ले पेटी दुकान चलात हे। बताय जात हे के काली संझा के मोहम्मद हसन 5 पेटी टाटा एस वाहन म लोड कर सदर बाजार छोड़े बर गे रहिस हे। उहां ले अपन बाइक ले वापिस सउटत रहिस हे तभे महाराणा प्रताप स्कूल के पास आरोपी मोहम्मद फाजिल (18) अपन दोस्त मन के संग खड़े रहिस हे। आरोपी ह हसन ल रोक लिस अउ कट मार के बाइक चलात हस कहत हुये अपन पास रखे चाकू लं हसन के सीना अउ कंधा म चाकू ले हमला कर प्राणघातक चोट पहुँचाइस। घटना के सूचना म मउवका म पहुँचे गोलबाजार पुलिस ह घायल हसन ल उपचार बर अस्पताल म भरती करिस हे। उहें आरोपी ल हिरासत म लेके पूछताछ करत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.