Home ताजा समाचार छत्तीसगढ़ म 12 अउ 20 नवम्बर के चुनाइ… पहिली चरन 18 ..दूसर...

छत्तीसगढ़ म 12 अउ 20 नवम्बर के चुनाइ… पहिली चरन 18 ..दूसर चरन म 72 सीट मन म मतदान

13
0
छत्तीसगढ़ म विधानसभा चुनाइ
11 दिसंबर के सबो 90 सीट मन के मतगणना होही

रायपुर। चुनाइ आयोग ह 4 राज्य मन म चुनाव के तारीख मन के ऐलान कर दिस हे। देस की राजधानी दिल्ली म होय चुनाइ आयोग के प्रेस कॉन्फ्रेंस म असेंबली इलेक्सन के तारीख मन के ऐलान करे गिस। अब छत्तीसगढ़, राजस्थान, मध्य प्रदेस अउ मिजोरम म विधानसभा चुनाइ होंही। चुनाइ होवइया राज्य मन म
आचार संहिता लागू कर दे गिस हे। तेलंगाना बर 12 अक्टूबर के बाद चुनाइ के तारीख के ऐलान होही। केंद्रीय चुनाइ आयोग ह कहिन के 15 दिसंबर ले पहिली चुनाइ प्रक्रिया पूरे करे जाही। छत्तीसगढ़ म दू चरन मन मतदान कराय जाही। पहिली चरन म 18 सीट म 12 नवंबर के मतदान होही। ये सबो नक्सल प्रभावित इलाका हे। उहें दूसरे चरन म 72 सीट मन म 20 नवंबर के चुनाइ होंही। 16 अक्टूबर के अधिसूचना जारी करे जाही। 11 दिसंबर के मतगनना होही।
केंद्रीय चुनाव आयोग ह छत्तीसगढ़ म विधानसभा चुनाव के ऐलान कर देय हे। दू चरन मन म मतदान कारय कराय जाही। पहिली चरन म माओवाद प्रभावित क्षेत्र मन म मतदान होही। पहिली चरन बर 16 अक्टूबर के अधिसूचना जारी होही। 23 अक्टूबर तक नामांकन जमा कर सकत हे। 24 अक्टूबर के नामांकन पत्र मन के स्क्रूटनी करे जाही। 26 अक्टूबर के नाम वापसी के अंतिम दिन होही। 12 नवंबर के पहिली के 18 सीट मन म मतदान कराय जाही। उहें दूसर चरन म 72 सीट मन बर मतदान कारय होही। येखर बर 26 अक्टूबर के अधिसूचना जारी करे जाही। 2 नवंबर के नामांकन जमा कराय के अंतिम दिन होही। 3 नवंबर के नामांकन पत्र मन के जांच होही। 5 नवंबर तक नाम के वापिसी के प्रक्रिया होही। ये सीट मन म 20 नवंबर के मतदान होही। 11 दिसंबर के सबो 90 सीट मन के मतगणना होही।
बता देन के 90 सीट वाले छत्तीसगढ़ के रमन सरकार के कारयकाल 5 जनवरी के खत्म होवत हे। छत्तीसगढ़ म 12 अउ 20 नवंबर के चुनाव होही। छत्तीसगढ़ के 90 सीट मन म वोटिंग करे जाही। राज्य निरनवाचन आयोग ह विधानसभा चुनाइ बर अंतिम मतदाता सूची के प्रकासन घलो कर देय गिस हे। चुनाइ आयोग ये बार सबो विधानसभा म चुनाव बर VVPAT को इस्तेमाल करत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.