Home ताजा समाचार अजीत जोगी ह  कलेक्टर अउ एसडीएम उपर लगिस हैकर्स ल प्रवेस के...

अजीत जोगी ह  कलेक्टर अउ एसडीएम उपर लगिस हैकर्स ल प्रवेस के दिलाय के आरोप

53
0
जकांछ के संस्थापक के आरोप
चुनाव आयोग ले मांग करिन के कलेक्टर अउ एसडीएम ल तत्काल उंखर पद ले हटाय जाए

रायपुर। बलौदाबाजार के कलेक्टर अउ एसडीएम उपर जनता कांग्रेस छत्तीसगढ़ (जे) के संस्थापक अजीत जोगी ह स्ट्रांग रूम म अवैधानिक तरीका ले  हैकर्स ल प्रवेस के दिलाय के आरोप लगाइस हे । गुरुवार केये जानकारी जकांछ जे के प्रवक्ता संजीव अग्रवाल ह दीस । उमन बताइन के  बुधवार के रात बलौदाबाजार म स्ट्रांग रूम के पाछु के हिस्सा म स्थित दरवाजा ले कई संदिग्ध मन के  आवाजाही देखे गिस। रात के ही  स्ट्रांग रूम के बाउंड्री वॉल ल तोड़े गिस अउ  रातों रात बनवा घलो दीस । एसडीएम अउ कलेक्टर के मिली-भगत ले स्ट्रांग रूम म हैकर मन ल  प्रवेश कराय गिस हे, ताकि ईवीएम मसीन मन ले छेड़छाड़ करे जा सकय।

का हे जकांछ के संस्थापक के आरोप…..जनता कांग्रेस छत्तीसगढ़ जे के संस्थापक  अजीत जोगी ह चुनाव आयोग  ले मांग  करिन के कलेक्टर अउ एसडीएम ल तत्काल उंखर पद ले  हटाय जाए।  बलौदाबाजार के एसडीएम, तीरथ राज अग्रवाल, विधानसभा अध्यक्ष अउ भाजपा प्रत्याशी गौरीशंकर अग्रवाल के रिश्तेदार  हे।  वो ह मतदान के बाद अपन अधिकार के दुरुपयोग कर के ईवीएम मसीन मन ल  टैम्पर करे के बड़े साजिस रचत हे। एखर संग ही चुनाव आयोग ल प्रदेस के सबो स्ट्रांग रूम के चारों ओर सीसी टीवी कैमरा लगाए म घलो विचार करना चाही।

अजीत जोगी ह कहिन के भारतीय जनता पार्टी ल पता हे के उमन ह पूरी तरह ले छत्तीसगढ़ के विधानसभा चुनाइ 2018 हार चुके हे अउ अब आखिरी हथकंडा के तउर उपर ईवीएम मसीन मन ल टैम्पर कर अउ चुनाव ल अपन बलपूरवक प्रभावित करे के प्रयास करत हे , जे ह बहुत ही ओछी हरकत हे अउ  संविधान संगत नइए। एखर सेती  चुनाव आयोग ल उपरोक्त बिसय म सख्त कदम उठाय के जरूरत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.