Home छॉलीवुड समाचार मोर जोड़ीदार ल हाथों-हाथ लिस दर्सक मन …..जबरदस्त एक्शन व लव स्टोरी...

मोर जोड़ीदार ल हाथों-हाथ लिस दर्सक मन …..जबरदस्त एक्शन व लव स्टोरी ले भरपूर हे फिलिम ह

36
0

रायपुर। एन. माही फिल्मस् के बैनर तले बने छत्तीसगढ़ी फिल्म मोर जोड़ीदार ह दर्सक मन ल अपन ओर खींचे म कामयाब होगे । चार दिन पहिलि रिलीज होय ये फिलिम ले देखे बर सिनेमाघर मन भीड़ देखे जा सकत हे। येखर ले पत चलथे कि मोर जोड़ीदार ल दर्सक मन के काफी अच्छा रिस्पांस मिलत हे। फिलिम के स्टोरी लइकापन के अटकन मटकन दही चटाका ले सुरू होथे। जेमा गुड्डा-गुड्डी के सादी ल सुग्घर ढंग ले फिलिमाय गेहे। फिलिम ल कलाकार मन के एक्टिंग, संगीत, एक्शन अउ सिचुवेशन के चलते अपार सफलता मिलत जात हे। कहे बर तो प्रोड्यूसर मोहित साहू के पहिलि फिलिम हे। लेकिन जे दमदारी ले नवा तकनीक व बढ़िया लोकेशन बर पइसा पैसा खरच करिस हे, तेला देख के नई लगय कि नवा नवा प्रोड़यूसर बने हे। लगत हे उमन अउ उंखर प्रोडक्शन कंपनी अउ ह छत्तीसगढ़ी फिलिम इंडस्ट्री ल आगे बढ़ाए म महत्वपूर्ण भूमिका निभाही। एती फिल्म के डायरेक्टर भूपेन्द्र चंदनिया के घलो मोर जोड़ीदार ह पहिली फिलिम हे। फेर उंखर निर्देसन म कसावट हे । ये कहि सकत हन कि दो नवा नवेले निर्माता- निर्देसक मन ह दर्सक ल एक मनोरंजक फिलिम दे हे।
फिलिम म रजनीश झांझी बढ़िया अदाकारी देखे बर मिलही। उमन ह दाऊजी के भूमिका जान डाल दे हे। नायक कबीर के दाई यानी पूनम त्रिपाठी घलो अपना रोल ल बखूबी ले निभाय हे। एती सरला सेन घलो नायिका के दाई ठकुराइन के रोल म न्याय करत नजर आइस। शैलेंद्र भट्ट टकला कॉमेडियन के रूप म अपन रंग जमात हे। रोमांटिक हीरो मन कुरैशी ह पहिली बेर एक्शन हीरो के रूप म नजर आइस । दर्सक मन उंखर एक्शन ल काफी पसंद करत हे। सबले बढ़िया बात ये हे कि उमन अपन डांस ले लोगन के दिल म समागे। कइठन दृश्य मन म जानदार अभिनय करे हे। नवा हीरो के रूप म इंडस्ट्री ल दिलेश साहू जइसे ह चाकलेटी नायक मिल गेहे। फिलिम म उंखर बोले संवाद नइ तो निपटा देहु पल म लगन के जुबान म चढ़त जात हे। उंखर हीरोइन के संग ट्यूनिंग अब्बड़ सुग्घल लगे हे।
देखे जाय तो कई लोगन के मोर जोड़ीदार ह पहिलि फिलिम हे। जेमा हीरोइन अनोखी लो सामल हे। पहली फिल्म म उंखर अदाकारी बतात हे कि रोल ल निभाय बर जीतोड़ मेहनत करिस हे। दूसर नायिका माही के सुंदरता ल दर्सक मन अपन जेहन म याद रखही। सबले बढ़िया रोल क्रांति दीक्षित कर हे। कहे जा सकत हे कि छत्तीसगढ़ी फिलिम इंडस्ट्रीज एक नवा खलनायक मिल गेहे। बलि को रोल ल रंगमंच के काबिल कलाकार दीक्षित ह अपन सानदार भाव भंगिमा के चलत लोगन के दिल म जगह बना डाले हे। ये फिल्म के बाद ओला कई फिलिम मिलही। बाल कलाकार मन के अभिनय स्वाभाविक अउ बढिय़ा हे ? फिलिम के अन्य कलाकार मन ह अपने किरदार ल बखूबी से निभाय हे। मोर पड़की रे परेवना ह लोगन के जुबान म चढ गेहे। ये बोल शानदार अउ संगीत मधुर व कर्णप्रिय हवय।
फिलिम के गीत मोर दिल के तार म नेपाल के हसीन वादी मन म फिल्माये गेहे। फिल्म के जान हे बेक ग्राउंड म्यूजिक जेकर कारण सबो सीन प्रभावी बन पड़े हे। मेकअप मेन विलास राउत इंडस्ट्री बर नवा नइए। उंखर काम कमाल के हे। फाइट मास्टर सतीश अन्ना के एक्शन एक्स्ट्रा ऑर्डिनरी हे जे फिल्म के प्लस पॉइंट हवय। कैमरा अउ कैमरा मेन फिल्म के आधार स्तंभ होथे, कई भोजपुरी फिल्म म फिलिमाकंन कर चुके सिद्धार्थ सिंग ह काबिले तारीफ काम करे हे। खासकर रेड कैमरा के बखूबी ले इस्तेमाल करीस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.