Home ताजा समाचार लहराइस लाठी अउ फेर देर रात  बैजनाथपारा म एक फ्लैग मार्च निकालिस...

लहराइस लाठी अउ फेर देर रात  बैजनाथपारा म एक फ्लैग मार्च निकालिस पुलिस ह

15
0
कोतवाली थाना
दू गुट के विवाद म पुलिस ल लाठीचार्ज करना पड़िस

रायपुर । दू गुट के विवाद  म  पुलिस ल लाठीचार्ज करना पड़िस।  बैजनाथपारा इलाका के पार्षद एजाज ढेबर के परिवार अउ जाफर नामक स्थानीय युवक के पुरानी रंजिस हे।  जेखर सिकायत पार्षद परिवार ह कोतवाली थाना म करिन।  एखर बाद कोतवाली थाना के निगरानी बदमाश जाफर  ल गेरफ्तार कर पुलिस ह जेल भेज दिस।

जेल से छूटके आए के बाद उंखर एजाज ढेबर के भतीजा उमेर ढ़ेबर अउ शोएब ढेबर ले विवाद हो गिस।  कोतवाली थाना पहुंचे के बाद दूनो गुट आपस म फेर भिड़ गिस।  सूचना  म पुलिस के बड़ अफसर  धलोक  मउका म पहुंच गे।  दूनो पक्ष ल  समझाइस दीस।  लेकिन जब दूनों पक्ष माने  बर तइयार नइ होइस , त पुलिस  ह लाठीचार्ज कर दिस।  एखर बाद देर रात पुलिस ह बैजनाथपारा म एक फ्लैग मार्च निकालिस अउ देर रात खुले रहइया दुकान मन ल बंद कराइस। अउ संगे संग  पुलिस ह दूनो पक्षो के खेलाफ मामला दरज कर जांच सुरू कर दीस हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.