Home ताजा समाचार नसबंदी के संबंध म ग्रामीन मन ल जागरुक करना महंगा पड़ गिस...

नसबंदी के संबंध म ग्रामीन मन ल जागरुक करना महंगा पड़ गिस स्वास्थ्य संयोजक ल

24
0
बेइज्जत
झिड़कत हुए डॉक्टर बिपिन बिहारी अग्रवाल कहिस के का उखाड़ लेबे त

 महासमुंद । जिला सउ बिस्तर अस्पताल परिसर म स्वास्थ्य संयोजक ल नसबंदी के संबंध म ग्रामीन मन ल जागरुक करना महंगा पड़ गिस । इहां पदस्थ एक डाक्टर ल  अतना बुरा लगिस  के सार्वजनिक रूप ले स्वास्थ्य संयोजक  ल झिड़कत कहिस के का उखाड़ लेबे त । ग्रामीन स्वास्थ्य संयोजक दौलत सोनी उप स्वास्थ्य केंद्र जलकी म पदस्थ हे। उमन सिकायत म कहिन के  विगत दिन कुहरी ग्राम के महिला मन ह  नसबंदी करवाए  बर  ग्राम पंचायत पंच रतन खैरवार के संग आइस अउ मोला सहयोग करे बर कहिन।  जेला मैं मना नइ कर सकेव। ए बेर म मै तीन सप्ताह के मेडिकल अवकाश म रहे, काबर के एक सड़क दुर्घटना म हाथ फैक्चर हो गिस।  लेकिन मानवता के चलत उमन ल नसबंदी बर ग्रामीन मन के सहयोग करे अउ उमन ल लेके जिला अस्पताल पहुंचे।

इहीं बीच मै पंच अउ अन्य लोगोन ल अस्पताल के चतुर्थ वर्ग कर्मचारी के संग उहां नसबंदी के जानकारी देवत रेहेव।  इसी बीच म डॉक्टर बिपिन बिहारी अग्रवाल पहुंतिस अउ  कहिन के ए का होवत हे। , त भीड़ ले एक मनखे क  कहिन  के ,  डाक्टर साहब नसबंदी के जानकारी देय जात हे, ए व्यक्ति स्वास्थ्य संयोजक हे। अतना सुनत ही डाक्टर साहब के पारा चढ़गे अउ कहिन लगिस के स्वास्थ्य संयोजक हवय त क्या  होइस । (अपशब्द) ये हमार का उखाड़ लेही।

संयोजक दौलत सोनी ह बताइस के डॉक्टर  मोला अकेला म कहितिस त  मोला बुरा नइ लगतिस। चूंकिं  ग्रामीन मन के आघू मोर बेइज्जत करिस जेखर ले आत्म सम्मान ल ठेस पहुंचिस। ए घटना ले मैं अपमानित होए हव ।  उमन जिला चिकित्सा अधीक्षक अउ  कलेक्टर के नाम पत्र देके न्याय के गुहार लगाइस हे।  ए संबंध म डाक्टर विपिन बिहारी अग्रवाल के कहिन हे के  मैं दौलत सोनी स्वास्थ्य संयोजक ल नइ जानव, मैं काबर अभद्रता करूं हूं।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.