Home ताजा समाचार 11 दिसंबर ले पालतू कुत्ता ल खुला म सौच कराए म जुर्माना…….

11 दिसंबर ले पालतू कुत्ता ल खुला म सौच कराए म जुर्माना…….

22
0
स्वच्छता रैंकिंग
निगम प्रसासन ह स्वच्छता सर्वेक्षन 2019 के तइयारी बर पूरा ताकत झोंक दीस हे

रायपुर। निगम प्रसासन स्वछ भारत अभियान के तहत खुला म सौच अउ पेसाब करइया मन ल  जुर्माना लगाए के बाद अब पालतू कुत्ता मन ल खुला म सौच कराए म  जुर्माना लगाए के ने फइसला करिस हे। 11 दिसंबर के बाद  ए अभियान  ल चला के सबो जोन मन ह कारवाई  सुरू करही।

निगम प्रसासन ह स्वच्छता सर्वेक्षन 2019 के तइयारी बर पूरा ताकत झोंक दीस हे। साफ-सफाई के संग खुला म  सौच  अउ पेसाब करइया मन उपर कार्रवाई करत हुए जुर्माना लेय जात हे।

राजधानी रायपुर पाछु  के बेर स्वच्छता रैंकिंग म फिसड्डी साबित हो गे रिहिस हे।  नगरीय प्रशासन विभाग के सचिव निरंजन दास ह कुछु दिन पहली समीक्षा बइठक म निगम अधिकारी मन ल के जमके फटकार लगाइस हे। ए दउरान उमन निगम अधिकारी मन ल चेतावनी दीस हे के यदि राजधानी के रैंकिंग म सुधार नइ होइस त कार्रवाई कर जाही।

सचिव के फटकार के बाद निगम प्रसासन ह जोन मन म तइनात जोन कमिश्नर, कार्यपालन, अभियंता ,सब इंजीनियर ,राजस्व निरीक्षक मन के संग  स्वास्थ बेभाग के पूरा अमला ल  वार्ड मन के साफ-सफाई के मॉनिटरिंग के  ड्यूटी लगाइस हे।

कुछु अधिकारी मन के  ड्यूटी  बिहनिया  पांच बजे ले लगा हे, ताकि सफाई कार्य म लगे ठेकेदार कोनो प्रकार ले लापरवाही ना करय। बुधवार के  जोन 6 ह जन जागरण अभियान के तहत स्वछ भारत मिसन म नागरिक मन ल स्वछता के प्रति जागरूक बनाए बर  रिंग रोड के तीर वाल राइटिंग करवाइस ।

जेमा लिख  हे के  खुला म सौच, पेसाब को अउ कूड़ा डाले म  प्रतिबंध हे। अउ  पहिली बर  खुला म सौच, पेसा करे अउ खुला म कूड़ा डाले म 50-50 रुपिया, दूसर  बेर 100-100 रुपिया अउ  तीसर बेर म  500-500 रुपिया के जुर्माना लगाय जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.