Home विशेष इहां ल गुजरइया राहगीर मन घलो हैरत भरे निगाह ले देखत हवय...

इहां ल गुजरइया राहगीर मन घलो हैरत भरे निगाह ले देखत हवय घड़ी के मीनार ल

29
0

रायपुर। घड़ी चउक के ठीक बीचों-बीच म लगे वो ऐतिहासिक घड़ी आप मन ल याद हो ही वो घड़ी चउक म नजर नइ आत हे। ऊपर म लगे वो घड़ी गायब हे । इहां ले गुजरइया राहगीर घलो हैरत भरे निगाह से घड़ी के मीनार ल देखत हवय।
दरअसल 1.28 करोड़ रुपिया के लागत ले पूरा परिसर म सौंदर्यीकरण करे जात हे। ये रेनोवेशन पीछु कुछु महीना ले जारी हे । ये कड़ी म इहां मरम्मत करत हुए घड़ी चउक के मीनार ल सुग्घर करे जात हे। इही काम के चलत बीच के घड़ी ल हटाए गेहे।
अब पुराना घड़ी के डायल के जगह नवा डायल लगाय जाही। येखर अलावा मीनर के मारबल ल घलो बदला जात हे। येमा एलईडी लाइट्स लगत हवय हवय। जेखर ले संझा कीन ये रंग बदल के लोगन ल आकरसित करही। राजधानी के घड़ी चउक के सौंदर्यीकरण के काम अखिरी बेरा म है। इहां गार्डन, पाथवे अउ बीच म फौव्वारा बनाए जात हे।
निरमान कंपनी ह आगू के पांच बरिस ले येखर मेंटनेंस घलो करही। स्मार्ट सिटी के अफसर मन के अनुसार करीबन 38 लाख रुपिया के लागत ले लाइटिंग के काम घलो चलत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.