Home ताजा समाचार बड़ संख्या म मितानिन सीएम हाउस के घेराव करे पहुंचिन

बड़ संख्या म मितानिन सीएम हाउस के घेराव करे पहुंचिन

21
0

रायपुर। छत्तीसगढ़ सरकार ल पहिली शिक्षाकर्मी, फेर स्वास्थ्य बिभाग के कर्मचारी ओकर बाद आंगनबाड़ी कार्यकर्ता मन अपन मांग ल लेके घेरे के कोसिस करिन। फेर अब मितानिन मन घलो अपन 3 सूत्रीय मांग ल लेके सरकार उपर दबाव बनाए के तइयारी म हे। सबले बड़ बात ये हे कि ये दरि मितानिन 100 या 200 के संख्या म नइ हे बल्कि 70 हजार के संख्या म हें। सोमवार के पूरा प्रदेस भर के लगभग 70 हजार के संख्या म मितानिन सीएम हाउस के घेराव करे पहुंचिन, जिहां ओमन के समर्थन बर कांग्रेस के राज्यसभा सांसद छाया वर्मा पहुंचिस। छाया वर्मा ह कहिस कि ओ राज्यसभा म घलो मितानिन के मुद्दा उठाही। एकर संग ही कांग्रेस के घोसना पत्र म घलो मितानिन मन के बिसय जोड़े जाही। आप मन ल बता दन कि मितानिन मन के तीन सूत्रीय मांग म बेतन वृद्धि, नियमित अऊ सहायक मितानिन मन ल नियमित करे के मांग सामिल हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.