Home ताजा समाचार काबर मजदूर मन ह घेरिन खड़गांव थाना ल…वजह जानें बर पढ़व

काबर मजदूर मन ह घेरिन खड़गांव थाना ल…वजह जानें बर पढ़व

26
0

राजनांदगांव। जिला के धुर माओवादी प्रभावित खडगांव के पल्लेमाड़ी आयरन ओर खदान के 365 मजदूर मन ल काम ले निकाल दे गेहे। नवकरी ले निकाले जाय के विरोध म मजदूर मन ह खड़गांव थाना के घेराव करिन।आदिवासी खदान सरमिक कल्याण सहकारी समिति के बैनर तले ग्रामीन मन ह रइली निकलीन।
पल्लेमाड़ी के शारदा मिनरल अउ गोदावरी मिनरल के सबो मजदूर मन ल काम ले निकाल दे गेहे। पिछु के कचको बछर ले ये मजदूर बेरोजगार हे अउ आरथिक तंगी ले जुझत हे।
कम्पनी ह ग्रामीन मन ल खदान म काम देय के बात कहिन अउ कुछु बछर तक काम घलोक दिन। ओखर बाद मजदूर मन ल नवकरी ले निकाल दे गिस। येकर विरोध म मजदूर मन ह खडगांव थाना के घेराव करिन हे अउ जमके नारा लगाइन।
खडगांव के बाजार ले मजदूर मन ह रइली निकालीन अउ रइली मुख्य मारग मन ले होवत हुए खड़गांव थाना पहुंचिन। ज्ञात हो कि मजदूर मन काम ले निकाले जाय के कारण एक समिति के गठन करे गिस रहे। मजदूर मन ह आरोप लगाय हे कि जे रिपोर्ट समिति ह सउपिस हे वो ह गलत हवय। मजदूर मन दुबारा जांच के मांग करत हे।

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.