Home ताजा समाचार प्रदेश पदाधिकारी मन उपर अनदेखी के आरोप लगाइन वरग 3 के शिक्षाकर्मी...

प्रदेश पदाधिकारी मन उपर अनदेखी के आरोप लगाइन वरग 3 के शिक्षाकर्मी मन ह

26
0

रायपुर। चुनावी साल म शिक्षाकर्मी भले ही लाख दावा करय कि उमन एकजुट हे, लेकिन लगातार सक्ति प्रदरसन के बाद धलोक उमन के आपसी फूट ह उंखर संविलियन के राह म रोड़ा बने हुए हे। आज प्रदेश के शिक्षाकर्मी संविलियन संकल्प दिवस मनावत हे। लेकिन 1 लाख 20 हजार वरग 3 के शिक्षाकर्मी मन ने वेतन विसंगति के मुद्दा म प्रदेश के पदाधिकारियों उपर अनदेखी के आरोप लगाइन हे।
प्रदेश भर म शिक्षाकर्मी 26 मई के सरकार के खिलाफ माहुल बनावत लामबंद होवत हे अउ प्रदेश के जम्मो विधानसभा क्षेत्र मन म आम लोगन के संग संवाद करथ हे अउ बतावत हे कि कइसे सत्तासीन भाजपा ह बेरा- बेरा म संविलियन के समरथन करिस लेकिन आज तक ले संविलियन नइ दे हे। उहें दूसर डहर शिक्षाकर्मिी मन के एक बड़े वरग पदाधिकारिी मन के खिलाफत करत हे। प्रदेश म ये बेरा म करीबन 1 लाख 20 हजार शिक्षाकर्मी हे जे वरग 3 ले आथे। इखर मन के कहिना हे कि 2013 ले उमन के वेतन विसंगति के मांग लंबित हे। लेकिन संघ के पदाधिकारी वरग 1 अउ वरग 2 के हवय, जेकर सेती उमन ह वरग 3 के समस्या मन उपर धियान नइ देवत हे। येती शिक्षाकर्मी संघ के प्रांतीय पदाधिकारी आस्वासन देवत हे कि वरग 3 के मांग मन ल प्रमुखता ले उठाय जाही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.